சினிமா செய்திகள்
இறுதிக்கட்ட படப்பிடிப்பில் தனுஷின் அசுரன்!
வடசென்னை படத்தை தொடர்ந்து வெற்றிமாறன் இயக்கத்தில் தனுஷ் நடித்து வரும் அசுரன் திரைப்படம் இறுதிக்கட்ட படப்பிடிப்பை ஆரம்பித்துள்ளதாக, ரத்தக் கறை படிந்தவாறு தனுஷ் அறுவாளுடன் நடந்து வரும் போஸ்டர் சமூக வலைதளத்தில் வைரலாகி வருகிறது.
நடிகர் தனுஷ் தற்போது தனது ட்விட்டர் பக்கத்தில் இந்த போஸ்டரை வெளியிட்டு இறுதிக்கட்ட படப்பிடிப்பு இன்று முதல் ஆரம்பமாகிறது என பதிவிட்டுள்ளார்.
வடசென்னை படத்திற்கு பிறகு அதன் மற்ற இரு பாகங்கள் எடுக்கப்படுமா? இல்லையா? என்ற கேள்விக்கு சரியாக பதில் சொல்லாத வெற்றிமாறன் நாவல் ஒன்றை தழுவி அசுரன் படத்தை இயக்கி வருகிறார்.
இந்த படத்தில் தனுஷுக்கு ஜோடியாக மஞ்சு வாரியர் நடித்து வருகிறார். முக்கியமான வில்லன் ரோலில் இயக்குநர் பாலாஜி சக்திவேல் நடிக்கிறார்.