தமிழ்நாடு
அமித்ஷாவின் மகன் ஜெய்ஷாவிடம் கேளுங்கள்: எஸ்.பி.வேலுமணிக்கு நச் பதிலடி கொடுத்த அமைச்சர் உதயநிதி!
தற்போது இந்தியாவின் கிரிக்கெட் திருவிழாவான ஐபிஎல் போட்டிகள் நடைபெற்று வருகிறது. இந்த ஐபிஎல் போட்டிகளை காண அதிமுக எம்எல்ஏக்களுக்கு பாஸ் வழங்க வேண்டும் என அதிமுக கொறடா எஸ்.பி. வேலுமணி விளையாட்டுத்துறை அமைச்சர் உதயநிதி ஸ்டாலினிடம் கோரிக்கை வைத்தார். இதற்கு அமைச்சர் உதயநிதி ஸ்டாலின் நச்சென்று பதிலடி ஒன்றை கொடுத்துள்ளார்.
#image_title
சென்னை சேப்பாக்கம் மைதானத்தில் நடைபெறும் ஐபிஎல் போட்டிகளை காண கடந்த அதிமுக ஆட்சியில் எம்எல்ஏக்களுக்கு 400 பாஸ் வரை கொடுக்கப்பட்டது. ஆனால் தற்போது இந்த பாஸ் அதிமுக எம்எல்ஏக்களுக்கு மட்டும் கொடுக்கப்படுவதில்லை. எனவே அதிமுக எம்எல்ஏக்களுக்கும் பாஸ் வழங்கப்பட வேண்டும் என விளையாட்டுத்துறை அமைச்சர் உதயநிதி ஸ்டாலினிடம் கோரிக்கை வைத்தார் அதிமுக கொறடா எஸ்.பி. வேலுமணி.
இதற்கு பதில் அளித்த விளையாட்டுத்துறை அமைச்சர் உதயநிதி ஸ்டாலின், ஐபிஎல் போட்டியை நடத்துபவர் உங்கள் நெருங்கிய நண்பர் அமித்ஷாவின் மகன் ஜெய்ஷா. அவரிடம் பேசி ஒரு எம்எல்ஏக்கு 5 டிக்கெட் வாங்கி குடுங்க, காசு கொடுத்து வாங்கி கொள்ள நாங்கள் தயார் என தெரிவித்தார்.
