சினிமா
ஸ்டார் ஹோட்டலில் மூட் இருந்தாத்தான் கதை கேட்பேன்… அஸ்வின் அப்பயே அப்படித்தான்!..
சில சீரியல்களில் நடித்தவர் அஸ்வின். குக் வித் கோமாளி நிகழ்ச்சியின் மூலம் பிரபலமானார். இந்நிகழ்ச்சியை தொடர்ந்து சில பட வாய்ப்புகள் இவருக்கு வந்தது. அவர் நடித்த முதல் திரைப்படம் ‘என்ன சொல்ல போகிறாய்’.
இந்த படத்தின் பாடல்கள் வெளியீட்டு விழாவில் பேசிய அஸ்வின் ‘எனக்கு ஒரு கெட்டப்பழக்கம் உண்டு. கதை பிடிக்கவில்லை எனில் தூங்கிவிடுவேன். 40 கதை கேட்டு தூங்கியிருக்கிறேன்’ என அவர் கூறியது திரையுலகில் எதிர்ப்பை பெற்றது. முதல் படம் ரிலிஸாகும் முன்பே அஸ்வினுக்கு இவ்வளவு திமிரா? என ரசிகர்களும், திரையுலகினரும் பேச துவங்கினர். மேலும், ஸ்லீப்பிங் ஸ்டார் என்கிற பட்டத்தை ரசிகர்கள் அவருக்கு கொடுத்தனர். மேலும், அவரை கிண்டலடித்து மீம்ஸ்களும் வலம் வந்தது.
இந்நிலையில், அஸ்வினை பற்றி மேலும் செய்தி தெரியவந்துள்ளது. சமீபத்தில் அவரை வைத்து படம் எடுக்க நினைத்த ஒரு பிரபல தயாரிப்பு நிறுவனம் அவரை தொடர்பு கொண்டது. அதற்கு ஒரு குறிப்பிட்ட நட்சத்திர ஹோட்டல் ஒன்றின் குறிப்பிட்ட எண் கொண்ட ஒரு அறையை சொல்லி ‘நான் அதில்தான் கதை கேட்பேன்’என அஸ்வின் கூற, தயாரிப்பு நிறுவனம் அதற்கும் ஏற்பாடு செய்தது. இயக்குனர் அங்கு சென்று காத்திருக்க மாலை வரை அஸ்வின் வரவே இல்லையாம். அவரிடம் தொடர்பு கொண்டு கேட்டதற்கு ‘இன்னைக்கு மூட் இல்ல.. நாளைக்கு பாப்போம்’ என கூலாக கூறியுள்ளார். இதையடுத்து தற்போது அந்த வாய்ப்பு கவினுக்கு சென்றுவிட்டது.
மொத்தத்தில் அஸ்வின் இப்படியே பந்தா காட்டினால் வரும் வாய்ப்பை எல்லாம் இழப்பார் என திரையுலகில் பேச துவங்கியுள்ளனர்.