கிரிக்கெட்
’மாஸ்டர்’ பாடலுக்கு மைதானத்தில் நடனமாடிய அஸ்வின்: டுவிட்டரில் பரவும் வீடியோ!
![ashwin45656 - Bhoomitoday Indian fans start trolling Michael Vaughan for his comment on chennai pitch](https://www.bhoomitoday.com/wp-content/uploads/2021/02/ashwin45656.jpg)
தளபதி விஜய் நடித்த ’மாஸ்டர்’ திரைப்படத்தில் இடம்பெற்ற ’வாத்தி கம்மிங்’ என்ற பாடலுக்கு சென்னை சேப்பாக்கம் மைதானத்தில் அஸ்வின் நடனமாடியது குறித்த வீடியோ டுவிட்டரில் வைரலாகி வருகிறது.
சென்னையில் நடைபெற்ற இரண்டாவது டெஸ்ட் கிரிக்கெட் போட்டியில் இந்திய அணி 317 ரன்கள் வித்தியாசத்தில் அபாரமாக வென்றது என்பதும் இதனை அடுத்து இந்த தொடர் 1-1 என்று சமன் செய்யப்பட்டுள்ளது என்பதும் தெரிந்ததே.
இந்த போட்டியில் அஸ்வின் மிக அபாரமாக விளையாடி முதல் இன்னிங்சில் 5 விக்கெட்டுகளையும் இரண்டாவது இன்னிங்சில் 3 விக்கெட்டுகளையும் வீழ்த்தினார். அதுமட்டுமின்றி இரண்டாவது இன்னிங்சில் முன்னணி பேட்ஸ்மேன்களே சொற்ப ரன்களில் அவுட்டான நிலையில் அஸ்வின் செஞ்சுரி அடித்து அசத்தினார் என்பதும் குறிப்பிடத்தக்கது.
மேலும் இந்த போட்டியின் ஆட்டநாயகனாகவும் அஸ்வின் தேர்வு செய்யப்பட்டதை அடுத்து அவருக்கு வாழ்த்துக்கள் குவிந்து வருகிறது.
இந்த நிலையில் இந்த டெஸ்ட் போட்டி விறுவிறுப்பாக நடைபெற்றுக் கொண்டிருந்த நிலையில் மைதானத்தில் விஜய் நடித்த ’மாஸ்டர்’ படத்தின் ’வாத்தி கம்மிங்’ பாடல் ஒலிபரப்பப்பட்டது. அப்போது மைதானத்தில் இருந்த அஸ்வின், விஜய் போலவே தோளை சாய்த்துக்கொண்டு நடனமாடிய வீடியோ டுவிட்டர் உள்ளிட்ட சமூக வலைதளங்களில் வைரலாகி வருகிறது. விஜய் போலவே நடன அசைவை செய்து இருந்ததை பார்த்த ரசிகர்கள் அவருக்கு கைதட்டி வாழ்த்துக்களை தெரிவித்தனர்.
Ashwin doing the #VaathiComing shoulder drop at the Chepauk! Happy ending to a proper cricket festival in Chennai! ???????????????????????????? #INDvENG #Master pic.twitter.com/VEUQnEBoDL
— Srini Mama (Parody) (@SriniMaama16) February 16, 2021