சினிமா செய்திகள்
நடிகர் சிவகார்த்திகேயனை இயக்குகிறாரா ஏ.ஆர்.முருகதாஸ்..?
நடிகர் சிவகார்த்திகேயனின் அடுத்தத் திரைப்படத்தை இயக்குநர் ஏ.ஆர்.முருகதாஸ் இயக்க உள்ளார் என செய்திகள் வெளியாகி வருகின்றன.
ஏ.ஆர்.முருகதாஸ் விஜய் 65 திரைப்படத்தை இயக்குவார் என நீண்ட நாட்கள் பேசப்பட்டது. ஆனால், சில காரணங்களுக்காக விஜய் 65 நெல்சன் திலீப்குமாரிடம் வழங்கப்பட்டுள்ளது. அதனால் தற்போது அடுத்த சிவகார்த்திகேயனின் படத்தை முருகதாஸ் இயக்குவார் எனத் தெரிகிறது.
பேச்சுவார்த்தை முடிந்திருந்தாலும் இதுகுறித்த அதிகாரப்பூர்வ அறிவிப்பு இன்னும் வெளியாகவில்லை. சிவகார்த்திகேயன் நடிப்பில் அடுத்ததாக டாக்டர் வெளியீட்டுக்குத் தயாராக உள்ளது. அதைத்தொடர்ந்து அயலான் திரைப்படமும் வரிசையில் நிற்கிறது. கமிட் செய்த படங்களை வேகமாக நிறைவு செய்த சிவகார்த்திகேயன் விரைவில் அடுத்த படத்துக்கான அறிவிப்பை வெளியிடுவார் என அவரது ரசிகர்கள் காத்திருக்கின்றனர்.
பெரும்பாலும் புத்தாண்டு தினம் அன்று இந்த அறிவிப்பு வெளியாகலாம் என பேசப்படுகிறது. இயக்குநர் முருகதாஸ் தற்போது ஒரு அனிமேஷன் படத்துக்கான பணியில் இருப்பதாகவும் கூறப்படுகிறது. முன்னதாக மான் கராத்தே திரைப்படத்தை நடிகர் சிவகார்த்திகேயனை வைத்து தயாரித்தவரே முருகதாஸ்தான் என்பது குறிப்பிடத்தக்கது.