நீங்கள் செய்வது முட்டாள்தனமான வேலைகள்: அஜித்தை வம்புக்கிழுத்த ‘ஆன்ட்டி இந்தியன்’ தயாரிப்பாளர்!

நீங்கள் செய்தது முட்டாள்தனமான வேலை என்றும் இந்த முட்டாள்தனத்தை உங்கள் ரசிகர்களும் தொடர்ந்தால் ஆபத்து அதிகரிக்கும் என்றும் ‘ஆன்ட்டி இந்தியன்’ தயாரிப்பாளர் ஆதம்பாவா என்பவர் அஜித்தின் ‘வலிமை’ படத்தின் சாகச காட்சி கொடுத்து கூறியிருப்பது பெரும் பரபரப்பை ஏற்படுத்தி உள்ளது.

அஜித் நடித்த ‘வலிமை’ படத்தின் மேக்கிங் வீடியோ சமீபத்தில் வெளியான நிலையில் இந்த வீடியோவில் அஜித் பைக்கில் சாகசம் செய்யும் போது கீழே விழுவதும் அதன் பின் சுதாரித்து எழுந்து மீண்டும் அதே காட்சியில் நடிப்பதுமான காட்சிகள் இருந்தன.

இந்த காட்சியை அஜித் ரசிகர்கள் மட்டுமின்றி நெட்டிசன்கள் அனைவரும் அஜித்தின் அர்ப்பணிப்பு உணர்வை பாராட்டி வருகின்றனர் என்பது குறிப்பிடத்தக்கது. இந்த நிலையில் சமீபத்தில் வெளியான ‘ஆன்ட்டி இந்தியன்’ திரைப்படத்தின் தயாரிப்பாளர் ஆதம்பாவா என்பவர் இது குறித்து தனது டுவிட்டரில் கூறியபோது, ‘இதுபோன்ற முட்டாள் தனமான வேலைகள் உங்கள் ரசிகர்களையும் செய்யத்தூண்டும் என்றும் அஜீத் அவர்களே இது தவறான செயல் என்றும், நீங்கள் சினிமாவில் மட்டுமே ஹீரோ, ரியல் ஹீரோ இல்லை என்றும் கூறியுள்ளார்.

ஆனால் சில நிமிடங்களில் அந்த ட்வீட்டை டெலிட் செய்து விட்டு மீண்டும் ஒரு ட்வீட்டை பதிவு செய்துள்ளார். அதில் அவர் கூறியிருப்பதாவது: இது போன்ற செயல் உங்கள் ரசிகர்களையும் செய்யத்தூண்டும் அஜீத் அவர்களே சென்னை மாநகரில் இது போன்று பைக் ஓட்டியவரகள் மட்டுமல்லாமல் எதிரேவருபவர்களும் பலியாகிய பல சம்பவங்கள் நிகழ்ந்திருக்கிறது வாகனத்தின் பெயரே இரு சக்கர வாகனம்தான் அதை ஒரு சக்கரத்தில் ஓட்டினால் நியாயமாரே..?

விமர்சகர்கள் மற்றும் ரசிகர்களால் மொக்கை படம் என்று கூறப்பட்ட ’ஆண்டி இந்தியன்’ என்ற படத்தை தயாரித்த தயாரிப்பாளர் ஆதம்பாவா அஜித் குறித்து சர்ச்சைக்குரிய கருத்தை கூறியிருப்பது பெரும் பரபரப்பை ஏற்படுத்தி உள்ளது. அஜித் ரசிகர்கள் இதற்கு என்ன விதமாக ரியாக்ட் செய்வார்கள் என்பதை பொறுத்திருந்துதான் பார்க்க வேண்டும்.