சினிமா செய்திகள்
முதல் நாளிலேயே இணையத்தில் ‘அண்ணாத்த’: அதிர்ச்சியில் படக்குழுவினர்!
![annathe teaser - Bhoomitoday](https://www.bhoomitoday.com/wp-content/uploads/2021/10/annathe-teaser.jpg)
சூப்பர் ஸ்டார் ரஜினிகாந்த் நடித்த ‘அண்ணாத்த’ திரைப்படம் நேற்று வெளியாகியுள்ள நிலையில் முதல் நாள் இரவிலேயே இணையதளத்தில் திருட்டுத்தனமாக வெளியாகியுள்ளது பெரும் அதிர்ச்சியை ஏற்படுத்தி உள்ளது.
சூப்பர் ஸ்டார் ரஜினிகாந்த் நடிப்பில், இயக்குனர் சிறுத்தை சிவா இயக்கத்தில், சன் பிக்சர்ஸ் நிறுவனத்தின் தயாரிப்பில் உருவான ‘அண்ணாத்த’ திரைப்படம் நேற்று வெளியானது.
இந்த படம் படத்தின் விமர்சனம் கலவையாக வெளிவந்து கொண்டிருந்தாலும் குடும்ப ஆடியன்ஸ் தியேட்டருக்கு கூட்டம் கூட்டமாக வந்து கொண்டிருப்பதாக தகவல்கள் வெளியாகி உள்ளது.
இந்த நிலையில் நேற்று வெளியான ‘அண்ணாத்த’ திரைப்படம் நேற்று இரவே தமிழ் ராக்கர்ஸ் உள்பட பல இணையதளங்களில் திருட்டுத்தனமாக முழு படமும் வெளியாகி இருப்பது படக்குழுவினருக்கு அதிர்ச்சியை ஏற்படுத்தியுள்ளது.
முதல் நாளில் அதிகாலை காட்சிகள் உள்பட அனைத்து காட்சிகளையும் சேர்த்து உலகம் முழுவதும் இந்த படம் 32 கோடி வசூல் செய்துள்ளதாக கூறப்படுகிறது. இந்த நிலையில் வரும் ஞாயிறு வரை இந்த படம் திரையரங்குகளில் நல்ல வசூலை குவிக்கும் என்று எதிர்பார்த்த நிலையில் திடீரென தமிழ் ராக்கர்ஸ், டெலிகிராம் உள்ளிட்ட இணையதளங்களில் திருட்டுத்தனமாக வெளியாகி உள்ளதால் படத்தின் வசூல் கணிசமாக குறைய வாய்ப்பு இருப்பதாக கூறப்படுகிறது.