சினிமா செய்திகள்
ஆண்ட்ரியாவை இன்னொரு நயன்தாராவாக மாற்ற போகிறாரா வெற்றிமாறன்?
லேடி சூப்பர்ஸ்டார் நயன்தாரா, அஜித் விஜய் உள்பட பல பிரபலங்களுடன் நடித்து வருகிறார் என்பதும் அவ்வப்போது நாயகிக்கு முக்கியத்துவம் கொடுக்கும் கேரக்டர்களிலும் நடித்து வருகிறார் என்பதையும் பார்த்து வருகிறோம்.
குறிப்பாக நயன்தாராவுக்கு மிகப்பெரிய அளவில் புகழ் சேர்த்த படம் என்றால் அது அறம் என்பதும் அந்த படத்தில் அவர் கலெக்டராக நடிப்பில் அசத்தி இருப்பார் என்பதும் குறிப்பிடத்தக்கது.
இந்த நிலையில் அறம் படத்தை இயக்கிய கோபி நாயனார் தற்போது ஆண்ட்ரியா முக்கிய வேடத்தில் நடிக்கும் படம் ஒன்றை இயக்கி வருகிறார். இந்த படத்தை வெற்றிமாறன் தயாரித்து வருகிறார் என்பது குறிப்பிடத்தக்கது .
இந்த திரைப்படம் ரிலீசான பின்னர் நயன்தாரா எந்த அளவுக்கு பிரபலமாகி லேடி சூப்பர் ஸ்டார் அந்தஸ்துக்கு மாறினாரோ, அதேபோல் ஆண்ட்ரியாவும் இன்னொரு நயன்தாராவாக மாறி விடுவார் என்றும் அந்த அளவுக்கு இந்த கேரக்டர் வலுவானது என்றும் வெற்றிமாறன் தரப்பினர் கூறி வருகின்றனர். நடிகை ஆண்ட்ரியா இன்னொரு நயன்தாரா ஆவாரா என்பதை பொறுத்திருந்து பார்ப்போம்.
