தமிழ்நாடு
‘வேல்முருகனை பார்த்து அவ்ளோ பயமா..?’- பிரச்சாரத்தில் ஒருமையில் திட்டித் தீர்த்த அன்புமணி
தமிழக வாழ்வுரிமை கட்சியின் தலைவர் வேல்முருகன், இந்த முறை திமுக தலைமையிலான மதச்சார்பற்ற முற்போக்கு கூட்டணி சார்பில் பண்ருட்டி சட்டமன்றத் தேர்தலில் போட்டியிடுகிறார். திமுகவின் உதயசூரியன் சின்னத்தில் அவர் தேர்தலில் களம் காண்கிறார்.
பாட்டாளி மக்கள் கட்சியின் முக்கிய நிர்வாகியாக இருந்த வேல்முருகன், அக்கட்சியின் நிறுவனர் ராமதாஸுடன் ஏற்பட்ட மோதல் காரணமாக அதிலிருந்து விலகி தனிக் கட்சித் தொடங்கினார்.
Oh My God…!
What is the word I am hearing between 0:13- 0:16 th Minute ?
Why to scold velmurugan like this ?
Completely unacceptable… pic.twitter.com/S9Y7PiPwax
— சுமக்காத ராமன் (@CarryingRaman) March 31, 2021
தற்போது வேல்முருகன் பண்ருட்டி தொகுதியில் தன் வெற்றிக்காக தீவிரமாக பிரச்சாரம் செய்து வருகிறார். அவர் தன் பரப்புரைக் கூட்டங்களில் பாமகவை விமர்சித்தும், ராமதாஸை விமர்சித்தும் பேசி வருகிறார். இதைச் சுட்டிக்காட்டி பாமகவின் இளைஞரணிச் செயலாளர் அன்புமணி ராமதாஸ், வேல்முருகனை ஒருமையில் பேசி கொச்சையாக கொச்சையாக திட்டித் தீர்த்துள்ளார்.
பண்ருட்டியில் வேல்முருகனுக்கு வெற்றி வாய்ப்புப் பிரகாசமாக இருப்பதாக கருத்துக் கணிப்புகள் வந்து கொண்டிருக்கும் நிலையில் வேல்முருகன் குறித்தான இந்த வீடியோ அரசியல் தளத்தில் பரபரப்பை ஏற்படுத்தியுள்ளது.
பாமக இந்த முறை அதிமுக கூட்டணியில் அங்கம் வகித்து 23 தொகுதிகளில் போட்டியிடுகிறது என்பது குறிப்பிடத்தக்கது.