RRR: ராம்சரணுடன் ஆடிய ஆனந்த் மஹிந்திரா…வைரலாகும் வீடியோ!

கடந்த மார்ச் மாதம் பிரமாண்ட இயக்குநர் எஸ்.எஸ்.ராஜமௌலி இயக்கத்தில் உருவான திரைப்படம்  ‘ஆர்.ஆர்.ஆர்’. நடிகர்கள் ராம்சரண், ஜூனியர் என்.டி.ஆர், அலியா பட், ஸ்ரேயா, அஜய் தேவ்கன் உள்ளிட்ட பலரும் நடித்துள்ளனர். தமிழ், தெலுங்கு, ஹிந்தி, கன்னடம், மலையாளம் உள்ளிட்ட ஐந்து மொழிகளில் இப்படம் வெளியானது.

1920-ஆம் காலக்கட்டத்தில் வாழ்ந்த அல்லுரி சீதா ராமராஜூ மற்றும் கொமரம் பீம் ஆகிய இரண்டு சுதந்திர போராட்ட வீரர்களின் வாழ்க்கையை அடிப்படையாக கொண்டு இந்தப்படம் உருவாகியுள்ளது. சமீபத்தில் ஜப்பானில் திரையிடப்பட்டு ரசிகர்களிடம் பெரும் வரவேற்பை பெற்ற ஆர்.ஆர்.ஆர், உலகளவில் ரூ.1000 கோடிக்கும் மேல் வசூல் சாதனை செய்துள்ளது.

சமீபத்தில் நடந்த கோல்டன் க்ளோப் விருதுகள் வழங்கும் விழாவில் ஆர்.ஆர்.ஆர் படத்தில் இடம்பெற்ற ‘நாட்டு நாட்டு’ பாடல், சிறந்த பாடலுக்கான விருதை வென்று கவனமீர்த்தது. அதைத்தொடர்ந்து ரிட்டிக் சாய்ஸ் விருது விழாவில், சிறந்த வெளிநாட்டு படம், சிறந்த பாடல் என இரண்டு விருதுகளை ஆர்.ஆர்.ஆர் படம் வென்றுள்ளது.

இந்நிலையில் மார்ச் 12 ஆம் தேதி நடைபெறும் ஆஸ்கர் விருது வழங்கும் விழாவில் சிறந்த இயக்குநர் (ராஜமெளலி), சிறந்த நடிகர் (ஜூனியர் என்.டிஆர், ராம் சரண்), சிறந்த துணை நடிகர்(அஜய் தேவ்கன்), சிறந்த பாடல் ( நாட்டு நாட்டு), சிறந்த பின்னணி இசை (கீரவாணி) போன்ற பட்டியலில் ஆர்.ஆர்.ஆர் படம் பரிந்துரைக்கப்பட்டது. இதில் நாட்டு நாட்டு பாடல் மட்டும் இறுதிப்பட்டியலில் இடம் பெற்றது.

இந்நிலையில் சமீபத்தில் ஹைதராபாத்தில் நடந்த நிகழ்ச்சி ஒன்றில் மஹிந்திரா நிறுவனத்தின் தலைவர் ஆனந்த் மஹிந்திராவும் நடிகர் ராம்சரணும் சந்தித்தனர். அப்போது இருவரும் ‘நாட்டு நாட்டு’பாடலுக்கு ஆடிய வீடியோவை தனது ட்விட்டர் பக்கத்தில் ஆனந்த் மஹிந்திரா பகிர்ந்தார். ஆஸ்கர் வெல்ல வாழ்த்துக்கள் நண்பா என அவர் குறிப்பிட்டிருந்த அந்தச் வீடியோ தற்போது வைரலாகி வருகிறது.

seithichurul

See Full Bio