தமிழ்நாடு
என்னுடைய ஃபேவரைட் நடிகை இவர்தான்: எமி ஜாக்சன் பூரிப்பு
தமிழ் மட்டுமல்லாமல் இந்தியாவின் பல மொழித் திரைப்படங்களில் தொடர்ந்து நடத்தி அசத்தி வருபவர் எமி ஜாக்சன். சமீபத்தில் அவர் தனது முதல் குழந்தையைப் பெற்றெடுத்ததைத் தொடர்ந்து சினிமா வாழ்க்கையிலிருந்து சிறிது காலம் விலகி இருந்தார். தற்போது சினிமா, ஷூட்டிங் என மீண்டும் பிஸியாகி வருகிறார் எமி.
இந்நிலையில், தன்னுடைய ஆல் டைம் ஃபேவரைட் யார் என்பதை இன்ஸ்டா ஸ்டோரி மூலம் வெளிப்படுத்தி உள்ளார் எமி. ஐஸ்வர்யா ராய் தான் தனது ஃபேவரைட் என்று கூறியுள்ளார் எமி.
1994 ஆம் ஆண்டு ஐஸ்வர்யா, உலக அழகி பட்டத்தை வென்றார். இதைத் தொடர்ந்து அவர் தனது தாயுடன் உலக அழகி போட்டி நடந்த மேடைக்குப் பின்புறம் கீழே அமர்ந்து, கையால் உணவு சாப்பிட்டு உள்ளார். அப்போது எடுக்கப்பட்ட ஐஸ்வர்யாவின் படத்தைப் பகிர்ந்துள்ள எமி, ‘ஃபாரெவர் ஃபேவரைட்’ என்று புகழ்ந்து இதய இமோஜியையும் சேர்த்துள்ளார்.
இதன் மூலம் தனக்கு எந்தக் காலத்திலும் விருப்பத்துக்கு உரியவர் ஐஸ்வர்யா தான் என்பதை தெரிவித்து உள்ளார் எமி.