இந்தியா
மத்திய அமைச்சராக பதவியேற்றார் பாஜக தலைவர் அமித் ஷா!
![Amit Shah 2 - Bhoomitoday](https://www.bhoomitoday.com/wp-content/uploads/2019/05/Amit-Shah-2.jpg)
நடந்து முடிந்த மக்களவை தேர்தலில் பாஜக கூட்டணி தனிப்பெரும்பான்மையுடன் ஆட்சியை தக்கவைத்துக்கொண்டது. பாஜக மட்டும் தனித்து 303 இடங்களை கைப்பற்றி தனிப்பெரும்பான்மையுடன் ஆட்சி அமைக்க தேவையான இடங்களை பெற்றது. இதனையடுத்து பிரதமர் மோடி மீண்டும் இரண்டாவது முறையாக பிரதமராக இன்று பதவியேற்றார்.
வெகு விமரிசையாக கொண்டாடப்படும் இந்த பதவியேற்பு விழாவில் பல நாட்டு தலைவர்கள் கலந்துகொண்டுள்ளனர். பல மாநில முதல்வர்கள், முக்கிய அரசியல் தலைவர்கள், உலக தலைவர்கள் பலரும் இந்த பதவியேற்பு விழாவில் கலந்து கொண்டுள்ளனர்.
சரியாக 7 மணிக்கு விழா மேடைக்கு வந்த பிரதமர் மோடிக்கு குடியரசுத்தலைவர் ராம்நாத் கோவிந்த் பதவி பிரமாணமும், ரகசிய காப்பு பிரமாணமும் செய்து வைத்தார். இதனையடுத்து இரண்டாவது முறையாக மோடி பிரதமராக பதவியேற்றார். மோடி பதவியேற்ற பின்னர் அவரது அமைச்சரவை அமைச்சர்கள் பதவியேற்றனர். அதில் முதல் ஆளாக ராஜ்நாத் சிங் மத்திய அமைச்சராக பதவியேற்றார்.
இதனையடுத்து இரண்டாவது அமைச்சராக பாஜக தேசிய தலைவர் அமித் ஷா மத்திய அமைச்சராக பதவியேற்றார். அமித் ஷாவுக்கு நிதித்துறை ஒதுக்கப்படலாம் என அரசியல் வட்டாரத்தில் பேசப்படுகிறது. இதனையடுத்து நிதின் கட்காரி, நிர்மலா சீதாராமன் ஆகியோர் மத்திய அமைச்சராக பதவியேற்றனர்.