Jawan: ஜவான் படத்தில் இணைகிறாரா அல்லு அர்ஜூன்..?

அட்லீ இயக்கத்தில் ஷாருக்கான்  நடிப்பில் உருவாகும் படம் ‘ஜவான்’. இப்படத்தில் ஷாருக்கான்   மீண்டும் ஒரு அதிரடி அவதாரத்தில் நடிக்கவுள்ளார்.இப்படத்தில் தீபிகா படுகோன், ப்ரியாமணி, யோகி பாபு உள்ளிட்டோர் முக்கியக் கதாபாத்திரத்தில் நடித்துள்ளனர்.

ஷாருக்கான்  , நயன்தாரா மற்றும் விஜய் சேதுபதி ஆகியோர் முன்னணி கதாபாத்திரங்களில் நடித்துள்ள ‘ஜவான்’ படத்தில் தற்போது மற்றொரு பிரபல பெயரும் சேர்க்கப்பட்டுள்ளது போல் தகவல்கள் வெளியாகியுள்ளன. படத்தின் தயாரிப்பாளர்கள் , புஷ்பா படப் பிரபலமான அல்லு அர்ஜுனுக்கு படத்தில் ஒரு முக்கிய கேமியோவை வழங்கியுள்ளதாக தெரிவிக்கப்பட்டுள்ளது. இந்த திட்டத்திற்கு அல்லு அர்ஜுன் இன்னும் ஒப்புதல் அளிக்கவில்லை என்றும் கூறப்படுகிறது.

‘ஜவான்’ யுனிவர்ஸ் பற்றிய தகவலைக் கொடுத்த ஷாருக்கான், “ஜவான் என்பது மொழிகளுக்கு அப்பாற்பட்ட மற்றும் அனைவரும் ரசிக்கக்கூடிய ஒரு உலகளாவிய கதையாகும். இந்த தனித்துவமான படத்தை உருவாக்கியதற்கான பெருமை அட்லீயவே சேரும். நான் ஆக்‌ஷன் படங்களை விரும்புவதால் எனக்கு இது ஒரு அருமையான அனுபவமாக இருந்தது!’. அட்லீ இயக்கிய, ‘ஜவான்’ 2 ஜூன் 2023 அன்று திரைக்கு வர உள்ளது. இது தவிர, ராஜ்குமார் ஹிரானி இயக்கிய ‘டுங்கி’ படத்திலும் SRK நடிக்கிறார். இந்தப் படம் டிசம்பர் 22 ஆம் தேதி கிறிஸ்துமஸ் பண்டிகை காலத்துடன் இணைந்து திரையரங்குகளில் வரவுள்ளதாக அறிவிக்கப்பட்டுள்ளது.