சினிமா செய்திகள்
ஹாலிவுட் நடிகர்களை பின்னுக்குத் தள்ளி அதிக சம்பளம் வாங்கும் அக்ஷய் குமார்!
இந்தியாவில் இருந்த மூன்று கான் நடிகர்களையும் ஓரங்கட்டிவிட்டு, அடுத்தடுத்து வெற்றி படங்களை குவித்துக் கொண்டிருக்கும் நடிகர் அக்ஷய் குமார், இந்தாண்டு அதிகம் சம்பளம் வாங்கும் நடிகர்கள் பட்டியலில் நான்காம் இடம் பிடித்துள்ளார்.
ஃபோர்ப்ஸ் பத்திரிகை வெளியிட்டுள்ள 2019ம் ஆண்டிற்கான அதிக சம்பளம் வாங்கும் நடிகர்கள் பட்டியலில் இந்தியாவின் அக்ஷய் குமார் 65 மில்லியன் டாலர் சம்பளத்துடன் 4ம் இடத்தை பிடித்துள்ளார்.
இந்த பட்டியலில் முதலிடத்தில், தி ராக் என செல்லமாக அழைக்கப்படும் டுவைன் ஜான்சன் 90 மில்லியன் டாலர் சம்பளத்துடன் முதலிடத்திலும், தோர் நடிகர் கிரிஸ் ஹெம்ச்வொர்த் 77 மில்லியன் டாலர் சம்பளத்துடன் 2வது இடத்திலும், அயன்மேன் நடிகர் ராபர்ட் டவுனி ஜூனியர் 66 மில்லியன் டாலர் சம்பளத்துடன் 3ம் இடத்திலும் உள்ளனர்.
அயன்மேனுக்கு அடுத்த இடத்தில் இந்திய நடிகர் அக்ஷய் குமார் 65 மில்லியன் டாலர் சம்பளத்துடன் 4ம் இடம் பிடித்துள்ளார். மேலும், 58 மில்லியன் டாலர் சம்பளத்துடன் ஆசியாவின் சூப்பர்ஸ்டார் ஜாக்கி சான் 5ம் இடத்தில் உள்ளார்.
நடிகைகளில் அதிக சம்பளம் ஈட்டியவர்களின் பட்டியலில் 42 மில்லியன் டாலர் சம்பளத்துடன் அமெரிக்க நடிகை சோஃபியா வெர்கரா முதலிடத்தில் உள்ளார். இவர், கடந்த 2009 முதல் வெளியாகி வரும் மாடர்ன் ஃபேமிலி எனும் தொடரில் லீடு ரோலில் கடந்த 10 ஆண்டுகளாக நடித்து வருவது குறிப்பிடத்தக்கது.