சினிமா
ஹவுஸ்ஃபுல் -4 ஷூட்டை கேன்சல் செய்தார் அக்ஷய்!
மீடூ இயக்க விவகாரம் பாலிவுட் மற்றும் கோலிவுட்டில் பூதாகரமாகியுள்ளது. தனுஸ்ரீதத்தா, நானா படேகர் மீதும் தயாரிப்பாளர் ஷஜித் கான் மீதும் பாலியல் புகார் தெரிவித்துள்ளார். தனுஸ்ரீ தத்தாவை தொடர்ந்து, மேலும் 3 பெண்களும் தயாரிப்பாளர் ஷஜித் கான் மீது பாலியல் குற்றச்சாட்டுக்களை முன்வைத்துள்ளனர்.
இந்நிலையில், வெளிநாட்டில் ஷூட்டிங்கை முடித்து விட்டு, நாடு திரும்பியுள்ள அக்ஷய் குமார், ட்விட்டர் வெளியான அனைத்து செய்திகளையும் கண்டு அதிர்ந்து போயுள்ளதாகவும், இந்த விவகாரம் முடியும் வரையில் ஹவுஸ்ஃபுல் படத்தின் ஷூட்டிங்கை நடத்தக் கூடாது எனவும் தெரிவித்துள்ளார்.
ஷஜித் கான் தயாரிப்பில் ஹவுஸ்ஃபுல் படத்தில் நடிகர் அக்ஷய்குமார் நடித்து வருகிறார். 70 சதவீதம் படம் முடிந்துள்ள நிலையில், தற்போது படத்தை நிறுத்த அக்ஷய் உத்தரவிட்டுள்ளார்.