தமிழ்நாடு
கமல் பிரச்சார வேனில் அக்சராஹாசனும் இருந்தாரா? வைரல் புகைப்படங்கள்
தமிழகத்தில் நடைபெற உள்ள சட்டமன்ற தேர்தலில் அதிமுக, திமுக தவிர மூன்றாவது அணியாக கமல்ஹாசனின் மக்கள் நீதி மய்யம் கட்சி போட்டியிடுகிறது என்பதும் அந்த கட்சி சரத்குமாரின் அகில இந்திய சமத்துவ முன்னேற்றக் கழகத்துடன் இணைந்து போட்டியிடுகிறது என்பதும் தெரிந்ததே.
இந்த நிலையில் கோவை தெற்கு தொகுதியில் போட்டியிடும் கமலஹாசன் கோவையில் மட்டுமின்றி தமிழகம் முழுவதும் சூறாவளி பிரசாரம் செய்து வருகிறார் என்பதும் அவரது பிரச்சாரத்திற்கு நல்ல வரவேற்பு கிடைத்துள்ளது என்பதும் தெரிந்ததே.
இந்த நிலையில் கமல்ஹாசனுடன் அவரது மகள் அக்ஷரா ஹாசனும் பிரச்சார வேனில் சென்று வருவதாக ஏற்கனவே கூறப்பட்ட நிலையில் தற்போது அது குறித்த புகைப்படங்கள் வெளியாகியுள்ளன.
கமல்ஹாசனின் பிரச்சார வேன் உள்ளே அக்சராஹாசன் இருப்பது போன்றும் கமல்ஹாசன் தங்கியிருக்கும் ஹோட்டலுக்கு இருவரும் நடந்து செல்வது போன்ற உள்ள புகைப்படங்கள் வெளியாகி வைரலாகி வருகின்றன. கமல்ஹாசனுக்கு துணையாக அவருக்கு உதவியாக அவருடைய மகள் அக்சராஹாசன் பிரச்சாரத்தின் கூடவே சென்றுள்ளார் என்பதும் ஆனால் அதே நேரத்தில் அவர் மக்களை சந்திக்கவில்லை என்றும் கமலுக்கு உதவியாக மட்டுமே சென்று உள்ளார் என்றும் அவரது தரப்பினர் கூறி வருகின்றனர்.
அக்ஷர ஹாசன் தன்னுடைய டுவிட்டர் பக்கங்களில் இது குறித்த புகைப்படங்களை பதிவு செய்து ’எனது அப்பா ஒரு உண்மையான போராளி என்றும் அவர் விரும்பியதை செய்யும்போது அவர் எல்லாவகையான வலிகளையும் தாங்கிக் கொண்டு போராடுகிறார்’ என்றும் அவர் தெரிவித்துள்ளார்.
My Bapuji, a true fighter. When he does what he loves, he fights through all kinds of pain. #JeanCladGandhi pic.twitter.com/hEouEDCe7u
— Akshara Haasan (@Iaksharahaasan) March 31, 2021