நேர்கொண்ட பார்வை: வெளியானது அஜித் 59-ன் டைட்டில் மற்றும் ஃபர்ஸ்ட் லுக் போஸ்டர்!

நடிகர் அஜித் தமிழ் சினிமாவின் தவிர்க முடியாத நடிகர்களில் ஒருவராக வலம் வருகிறார். கடைசியாக சிறுத்தை சிவாவின் இயக்கத்தில் நடிகர் அஜித் தொடர்ந்து மூன்று படங்களில் நடத்தார். வீரம், வேதாளம், விஸ்வாசம் என மூன்றுமே ரசிகர்கள் மத்தியில் அமோக வரவேற்பை பெற்றது. குறிப்பாக அஜித், நயன்தாரா நடிப்பில் வெளியான விஸ்வாசம் திரைப்படம் அனைத்து தரப்பினரின் பாராட்டையும் பெற்று வசூல் வேட்டை நடத்தியது.

இதனையடுத்து தற்போது அஜித் தனது 59-வது படத்தை இயக்கும் வாய்ப்பை இயக்குநர் வினோத்துக்கு அளித்துள்ளார். வரிசையாக சிறுத்தை சிவாவின் இயக்கத்தில் மூன்று படங்களில் நடித்துவிட்டு, அடுத்ததாக வினோத் படத்தில் நடிக்க உள்ளதால் இந்த படத்தின் மீது மிகுந்த எதிர்பார்ப்பு உள்ளது. பொதுவாக அஜித் போன்ற பெரிய ஹீரோக்களின் படம் என்றால் எதிர்பார்ப்பு இருக்கும்.

ஆனால் இந்த படத்தை மறைந்த நடிகை ஸ்ரீதேவியின் கணவர் போனி கபூர் தயாரிக்கிறார். மேலும் இந்த கூட்டணியில் வினோத்தும் சேர எதிர்பார்ப்பு தொற்றிக்கொண்டுள்ளது. தற்போது இந்த படத்தின் டைட்டில் மற்றும் ஃபர்ஸ்ட் லுக் போஸ்டர் வெளியாகி கவனத்தை ஈர்த்துள்ளது. இந்த படத்துக்கு யுவன் ஷங்கர் ராஜா இசையமைக்கிறார். நிரவ் ஷா ஒளிப்பதிவு செய்கிறார்.

இந்த போஸ்டரில் குற்றவாளி கூண்டில் ஸ்ரதா ஸ்ரீநாத் உள்பட மூன்று பேர் நிற்கின்றனர். பின்னால் அஜித் வக்கீல் கோட்டுடன் சால்ட் அண்ட் பெப்பர் ஸ்டைலில் மாஸாக நிற்கிறார். படத்துக்கு நேர்கொண்ட பார்வை என தலைப்பு வைத்துள்ளனர்.