சினிமா
தளபதி விஜய்யை பாராட்டிய தல அஜித்!
நடிகர் விஜய் மற்றும் அஜித் தமிழ் சினிமாவில் அசைக்க முடியாத முன்னணி நடிகர்களாக உள்ளனர். விஜய்யை தளபதி எனவும், அஜித்தை தல எனவும் தமிழ் சினிமாவும், ரசிகர்களும் கொண்டாடி வருகின்றனர். இந்நிலையில் இவர்கள் இருவரின் ரசிகர்கள் சமூகவலைதளங்களில் ஒருவரை ஒருவர் தாக்கி விமர்சிக்கும் வழக்கம் உள்ளது. ஆனால் உண்மையில் இந்த இரண்டு நடிகர்களும் நல்ல நண்பர்கள்.
இவர்கள் இருவரும் நண்பர்கள் என்பதற்கு ஆதாரமாக நடிகர் அஜித், நடிகர் விஜய்யின் நடனத்தை பாராட்டிய சம்பவம் ஒன்று நடந்துள்ளது. இதனை வெளியில் சொன்னவர் நடிகர் ரமேஷ் திலக். தனியார் நிகழ்ச்சி ஒன்றில் கலந்துகொண்ட ரமேஷ் திலக் இதனை கூறியுள்ளார்.
அப்போது, நான் அஜித் சாருடன் நடித்துவிட்டேன். நான் விஜய் சாருடன் ஒரு படமாவது நடித்துவிட வேண்டும். அஜித் சாரும், விஜய் சாரும் நண்பர்களாகவே உள்ளனர். விஸ்வாசம் படப்பிடிப்பு பணிகளின்போது நானும் அஜித் சாரும் கேரவேனில் அமர்ந்திருந்தோம். அப்போது தொலைக்காட்சியில் விஜய் சாரின் பாடல் வந்தது. அதைப் பார்த்த அஜித் சார், விஜய் பிறவியிலேயே ஒரு நடனக் கலைஞர். சர்வ சாதாரணமாக நடனமாடுகிறார் என்று புகழ்ந்ததாக ரமேஷ் திலக் கூறினார்.