சினிமா
தெய்வீக சிரிப்பையா உமக்கு! அஜித்தை இப்படி சிரிக்க வைத்த அந்த புண்ணியவான் யாருன்னு தெரியலையே!
நடிகர் அஜித் செம ஹேப்பியாக தன்னையே மறந்து சிரிக்கும் அற்புதமான புகைப்படம் ஒன்று சமூக வலைதளங்களில் வைரலாக பரவி வருகிறது. அந்த புகைப்படத்தை பார்த்த ரசிகர்களுக்கு ஏகே 62 அப்டேட்டே வேண்டாம் போங்கடா இந்த ஸ்மைல் ஒன்னு போதும் என கமெண்ட் போட்டு வருகின்றனர்.
தெய்வீக சிரிப்பால் தனது ரசிகர்களை மட்டுமின்றி ஹேட்டர்களையும் நிச்சயம் கவர்ந்து விடுவார் அஜித் என்று சொன்னால் அனைவரும் இந்த போட்டோவை பார்த்தால் ஒப்புக்கொள்ளத்தான் செய்வார்கள்.
வெளிநாட்டில் நடிகர் அஜித் டூர் அடித்து வரும் புகைப்படங்களை நடிகை ஷாலினி வெளியிட்டு வந்த நிலையில், ஏகே 62 அப்டேட் விரைவில் வருவதற்கான அறிகுறிகளாகவே இந்த தொடர் போட்டோக்கள் வெளியாவதற்கு பின்னணியில் இருக்கும் ரகசியம் என்கின்றனர்.
ஏகே 62 படத்தை இயக்குநர் விக்னேஷ் சிவன் இயக்குவதாக அறிவித்த நிலையில், கடைசி நேரத்தில் இயக்குநரை அஜித் மாற்றி உள்ளார். லைகா நிறுவனம் தயாரிப்பில் அஜித்தின் அடுத்த படம் வெளியாக உள்ள நிலையில், இயக்குநர் மகிழ் திருமேனி தான் அந்த படத்தை இயக்குவார் என எதிர்பார்க்கப்படுகிறது. சந்தோஷ் நாராயணன் இசையமைக்கப் போகிறார் என தகவல்கள் கசிந்து வரும் நிலையில், அதுகுறித்த அப்டேட்டை வரும் வாரத்தில் லைகா நிறுவனம் நிச்சயம் வெளியிடும் என தெரிகிறது.
அஜித் ரசிகர்களுக்கு இந்த புகைப்படம் நிச்சயம் சந்தோஷத்தை தரும் என்பதில் எந்தவொரு சந்தேகமும் இல்லை. அதே நேரத்தில் விக்னேஷ் சிவன், நயன்தாரா பார்த்தால் என்ன ஆகும் என நெட்டிசன்கள் கமெண்ட் செய்து வருகின்றனர்.