‘வலிமை’ டிரைலர் ரன்னிங் டைம் இத்தனை நிமிடங்களா? சம்பவம் இருக்கு!

தல அஜித் நடித்த ‘வலிமை’ திரைப்படம் வரும் பொங்கல் தினத்தில் பிரமாண்டமாக உலகம் முழுவதும் வெளியாக உள்ளது என்பது தெரிந்ததே. இந்த நிலையில் இந்த படத்தின் டீஸர் மற்றும் பைக் சேஸிங் காட்சிகளின் வீடியோ சமீபத்தில் வெளியாகி மிகப்பெரிய அளவில் வைரலானது என்பது குறிப்பிடதக்கது

ஏற்கனவே இந்த படத்தின் இரண்டு பாடல்களும் வெளியாகி உள்ளன என்பதும் அந்த பாடல்கள் அனைவரையும் முணுமுணுக்க வைத்தது என்பதும் குறிப்பிடத்தக்கது. குறிப்பாக நான் பார்த்த முதல் முகம் நீ என்ற பாடல் அனைவர் மனதிலும் பதிந்து உள்ளது என்பது குறிப்பிடத்தக்கது

இந்த நிலையில் வலிமை படத்தின் டிரைலர் நாளை அல்லது நாளை மறுநாள் வெளியாகும் என்று தகவல்கள் வெளியாகி உள்ளன. இந்த டிரைலர் 03.01 நிமிடங்கள் ஓடும் வகையில் உள்ளதாகவும் இந்த டிரைலரை பார்க்கும்போது இது தமிழ் படமா அல்லது ஹாலிவுட் படமா என்ற அளவில் ரசிகர்களுக்கு சந்தேகம் ஏற்படும் அளவிற்கு சேஸிங் காட்சிகள் உள்ளதாகவும் இந்த டிரைலரை பார்த்த பிரபலங்கள் தெரிவித்து வருகின்றனர்

மொத்தத்தில் இந்த டிரைலருக்கு மிகப்பெரிய எதிர்பார்ப்பு இருப்பதை அடுத்து இந்த டிரைலர் பார்வையாளர்கள் எண்ணிக்கையில் பெரும் சாதனை ஏற்படுத்தும் என்று எதிர்பார்க்கப்படுகிறது

அஜித், ஹூமா குரேஷி, கார்த்திகேயா, சுமித்ரா, யோகிபாபு, புகழ், உள்ளிட்ட பலர் நடித்த இந்த படத்திற்கு நீரவ் ஷா ஒளிப்பதிவு செய்துள்ளார் என்பதும், விஜய் வேலுக்குட்டி படத்தொகுப்பு பணியை செய்துள்ளார் என்பது குறிப்பிடத்தக்கது.