சினிமா செய்திகள்
சித்ஸ்ரீராமின் மயக்கும் குரலில் ’வலிமை’ அம்மா செண்டிமெண்ட் பாடல்!
அஜித் நடித்த ’வலிமை’ திரைப்படத்தில் இடம்பெற்ற அம்மா சென்டிமென்ட் பாடல் இன்று வெளியாகும் என்றும் இந்த பாடலின் புரோமோ இன்று வெளியாகும் என்றும் இரண்டு தகவல்கள் சமூகவலைதளத்தில் இன்று காலை முதல் வெளிவந்து கொண்டிருந்தன
இந்த நிலையில் சற்று முன் ’வலிமை’ படக்குழுவினர் அதிகாரபூர்வமாக இந்த படத்தின் அம்மா சென்டிமென்ட் பாடல் புரமோ வீடியோவை வெளியிட்டுள்ளனர். மேலும் இந்த பாடல் வரும் டிசம்பர் 5ஆம் தேதி மாலை ஆறு முப்பது மணிக்கு வெளியாகும் எனவும் அறிவிக்கப்பட்டுள்ளது
’நான் பார்த்த முதல் முகம் நீ, நான் கேட்ட முதல் குரல் நீ’ என்றும் அஜித்தின் குரலுடன் ஆரம்பிக்கும் இந்த பாடல் சித் ஸ்ரீராமின் மயக்கும் குரலில் உருவாகி உள்ளது என்பதும் இந்த பாடலை பிரபல இயக்குனர் விக்னேஷ் சிவன் இயற்றி உள்ளார் என்பதும் குறிப்பிடத்தக்கது
யுவன் சங்கர் ராஜாவின் இசையில் உருவாகியுள்ள இந்த பாடல் நிச்சயம் அஜித் ரசிகர்கள் மட்டுமின்றி அனைத்து ரசிகர்களையும் கவரும் என்று எதிர்பார்க்கப்படுகிறது.
