சினிமா செய்திகள்
150 கோடியை நோக்கி ‘வலிமை’ வசூல்: அஜித் ரசிகர்கள் குஷி!
![valimai - Bhoomitoday](https://www.bhoomitoday.com/wp-content/uploads/2021/12/valimai-3.jpg)
அஜித் நடித்த ‘வலிமை’ திரைப்படத்தின் வசூல் 100 கோடியை தாண்டி 150 கோடியை நோக்கிச் சென்று கொண்டிருப்பதாக தகவல்கள் வெளியாகி உள்ளன.
அஜித் நடித்த ‘வலிமை’ திரைப்படம் கடந்த 24ஆம் தேதி உலகம் முழுவதும் திரையரங்குகளில் பிரம்மாண்டமாக வெளியாகியது. குறிப்பாக தமிழகத்தில் சுமார் 900 திரையரங்கிற்கும் மேல் ‘வலிமை’ படம் வெளியானது என்பதும், 100 வருட தமிழ் சினிமாவில் இவ்வளவு அதிகமான திரையரங்குகளில் எந்தப் படமும் வெளியாகவில்லை என்பதும் குறிப்பிடத்தக்கது.
இந்த நிலையில் தமிழகத்தின் முதல் நாள் 36.17 கோடியும் இரண்டாவது நாள் 24.62 கோடியும் மூன்றாவது நாள் 20.46 கோடியும் வசூல் செய்த நிலையில் நான்காவது நாளான நேற்று ஞாயிற்றுக்கிழமை 27.83 கோடி வசூல் செய்திருப்பதாக தகவல்கள் வெளியாகியுள்ளன .
இதனை அடுத்து இந்த படத்தின் தமிழக வசூல் மட்டும் சுமார் 110 கோடியை நெருங்கி உள்ளது என்பது குறிப்பிடத்தக்கது. இந்த நிலையில் தமிழகத்தில் 100 கோடியை தாண்டி 150 கோடியை நோக்கி வசூல் சென்று கொண்டிருப்பதாகவும் உலகம் முழுவதும் 200 கோடியை நோக்கி சென்று கொண்டிருப்பதாகவும் தகவல்கள் வெளியாகியுள்ளன.