சினிமா செய்திகள்
’வலிமை’ படத்தில் என்னென்ன கட்? படத்தின் நீளம் பாதகமா?
அஜித் நடித்த ’வலிமை’ திரைப்படம் வரும் 24-ஆம் தேதி வெளியாக இருக்கும் நிலையில் இந்த படத்தின் சென்சார் அதிகாரிகள் எந்தெந்த இடத்தில் கட் செய்துள்ளார்கள் என்ற தகவல் தற்போது வெளியாகியுள்ளது.
முக்கியமாக போதைப்பொருள் உபயோகிக்கும் காட்சிகள் கட் செய்யப்பட்டுள்ளதாகவும் அதேபோல் காவல்துறையினரை ரத்தம் சொட்ட சொட்ட கொலை செய்யும் காட்சிகள் கட் செய்யப்பட்டதாக கூறப்படுகிறது.
மேலும் திரையில் காண்பிக்க அனுமதி இல்லை என்று கூறப்படும் விலங்கு காட்சியை கட் செய்திருப்பதாகவும் அதேபோல் செயின் பறிக்கும் காட்சி ஒன்று மிகவும் கொடூரமாக இருக்கும் நிலையில் அந்த காட்சியின் ஒரு சில பகுதிகளை மட்டும் கட் செய்து இருப்பதாகவும் கூறப்படுகிறது.
அதேபோல் படத்தில் ஆங்காங்கே ஒரு சில கெட்ட வார்த்தைகள் பயன்படுத்தப்பட்டு இருக்கும் நிலையில் அந்த கெட்ட வார்த்தைகளை மியூட் செய்திருப்பதாகவும் தகவல்கள் வெளியாகி உள்ளது. மேலும் போதைப் பொருளை உறிஞ்சும் காட்சிகள் அடிக்கடி வருவதை அடுத்து ஒரே ஒரு தடவை மட்டும் அனுமதிக்கப்பட்டுள்ளதாம். மேலும் ரத்தம் தெறிக்க ஒருவர் கீழே விழுந்து மரணம் அடையும் காட்சியில் ஒரு சில ஷாட்கள் கட் செய்யப்பட்டுள்ளதாகவும் தகவல்கள் வெளியாகி உள்ளது.
மேலும் இந்த படத்தின் நீளம் இந்த படத்திற்கு பாதகம் என்று இந்த படத்திற்கு நெகட்டிவாக விமர்சனம் செய்பவர்கள் இப்போதே பதிவு செய்து வருகின்றார்கள். ஆனால் எச்.வினோத்தை பொறுத்தவரை விறுவிறுப்பாக கதையை கொண்டு செல்லும் திறமை உள்ளவர் என்பதால் இந்த படத்தின் நீளம் பெரிய அளவில் பாதகமாக இருக்காது என்றும் இன்னும் சொல்லப்போனால் அது படத்தின் வெற்றிக்கு சாதகமாகவே இருக்கும் என்றும் கூறப்பட்டு வருகிறது.
