சினிமா
விஜய் இல்லாமலே மங்காத்தா 2? அஜித் போட்ட பிளான் தான் துணிவா? விநாயக் மகாதேவ் ரிட்டர்ன்ஸா இருந்தா!
துணிவு படத்தின் நடிகர்கள் கதாபாத்திரங்களை அறிமுகப்படுத்தி அதிரடி காட்டி உள்ளார் தயாரிப்பாளர் போனி கபூர். நாளை துணிவு படத்தின் டிரைலரும் தாறுமாறாக வரவுள்ள நிலையில், ரசிகர்களுக்கு மிகப்பெரிய ட்ரீட் காத்திருக்கிறது. இந்நிலையில், மற்ற கதாபாத்திரங்களை ரிவீல் செய்த தயாரிப்பாளர் போனி கபூர், செம சஸ்பென்ஸாக அஜித்தின் பெயர் என்ன கண்டு பிடிங்க என ரசிகர்களிடம் கேட்டுள்ளார்.
மணி மணி மணி என மீண்டும் அஜித் குமார் நெகட்டிவ் ஷேடில் நடித்துள்ள நிலையில் விநாயக் மகாதேவ் ரிட்டர்ன்ஸா என ரசிகர்கள் திடீரென துணிவு படத்தின் மீதான ஹைப்பை எகிற விட்டுள்ளனர்.
அப்படி மட்டும் சர்ப்ரைஸ் இருந்தால் வாரிசு படத்தை ஓட விட்ருவோம் என அஜித் ரசிகர்களே விநாயக் மகாதேவ் என ஃபேன் மேட் போஸ்டர்களை எல்லாம் எடிட் செய்து போட்டு சோஷியல் மீடியாவையே தங்கள் கட்டுப்பாட்டுக்குள் கொண்டு வந்துள்ளனர்.
துணிவு படத்தில் மஞ்சு வாரியர் கண்மணி எனும் கதாபாத்திரத்தில் நடித்துள்ளார். சமுத்திரகனி, பிரேம், பட்டிமன்ற பேச்சாளர் மோகன சுந்தரம், ஜான் கொக்கன், பக்ஸ், வீரா, ஜிஎம் சுந்தர், அஜய் என பெரிய நட்சத்திர பட்டாளமே நடித்துள்ளனர்.
ஆனால், பிக் பாஸ் பிரபலங்களான அஜித்தின் கோர் டீம் என சொல்லப்பட்ட பாவனி, அமீர் மற்றும் சிபி குறித்த விவரத்தை மட்டும் வெளியிடவே இல்லை என்பது குறிப்பிடத்தக்கது.
எப்படியும் நாளை 7 மணிக்கு டிரைலர் வெளியானால் அஜித் என்ன கதாபாத்திரத்தில் நடிக்கிறார் என்பது தெரிந்து விடும்.
