ஷிவாங்கியிடம் ‘வலிமை’ அப்டேட் கேட்ட அஜித் ரசிகர்: வைரல் வீடியோ!

’குக் வித் கோமாளி’ நிகழ்ச்சியில் கோமாளியாக கலந்து கொண்டுள்ள ஷிவாங்கியிடம் ‘வலிமை’ அப்டேட் கேட்ட அஜித் ரசிகர்களால் பெரும் பரபரப்பு ஏற்பட்டுள்ளது

அஜித் நடித்த ‘வலிமை’ திரைப்படத்தின் படப்பிடிப்பு கிட்டத்தட்ட முடிவடையும் நிலையில் உள்ளது என்பதும் இந்தப் படம் வரும் ஆகஸ்ட் மாதம் ரிலீசாக உள்ளது என்பதும் குறிப்பிடத்தக்கது.

இந்த நிலையில் ‘வலிமை’ படத்தின் அப்டேட் கேட்டு கடந்த சில மாதங்களாக அஜித் ரசிகர்கள் தொடர்ச்சியாக சமூக வலைதளங்களில் கோரிக்கை விடுத்து வருகின்றனர். ஒரு சிலர் எல்லைமீறி போய் முதல்வரிடம், பிரதமரிடம், கிரிக்கெட் விளையாட்டு வீரர்களிடம் அப்டேட்டை கேட்டு தொல்லை செய்ததால் பெரும் சர்ச்சை ஏற்பட்டது.

இந்த நிலையில் கடந்த சில நாட்களுக்கு முன்னர் அஜித் அறிக்கை ஒன்றை வெளியிட்டு அதில் ’தயவுசெய்து தேவையில்லாமல் வேறு யாரிடமும் ‘வலிமை’ அப்படியே கேட்க வேண்டாம் என்றும் உரிய நேரத்தில் அப்டேட்டை நாங்களே தருவோம்’ என்றும் கூறியிருந்தார். இருப்பினும் அஜித் ரசிகர்கள் தொடர்ந்து விடாமல் பார்ப்பவர்களிடம் எல்லாம் ‘வலிமை’ அப்டேட் கேட்டு வருகின்றனர்.

இந்த நிலையில் குக் வித் கோமாளி ஷிவாங்கி சமீபத்தில் நிகழ்ச்சி ஒன்றில் கலந்து கொண்டபோது அஜித் ரசிகர் ஒருவர் ‘வலிமை’ அப்டேட்டை கூறுங்கள் என்று கேட்டார். உடனே அதிர்ச்சியான ஷிவாங்கி, சிரித்துக்கொண்டே ’எனக்கு ‘வலிமை’ அப்டேட் எல்லாம் தெரியாது, ஒருவேளை தெரிந்தால் சொல்கிறேன்’ என்று சமாளித்தார். இது குறித்த வீடியோ ட்விட்டரில் வைரலாகி வருகிறது

seithichurul

See Full Bio