சினிமா செய்திகள்
’அஜித் 61’ படத்தின் நாயகி இவரா? எச்.வினோத் முடிவு ஏன்?
அஜித் 61 படத்தின் படப்பிடிப்பு தொடங்கும் முன்னரே அஜித் 62 படம் குறித்த செய்திகள் இணையதளங்களில் வைரலானதால் அஜித் 61 படத்தை ரசிகர்கள் கிட்டத்தட்ட மறந்தே விட்டனர். இந்த நிலையில் ரசிகர்களுக்கு அந்த படத்தை மீண்டும் ஞாபகப் படுத்தும் வகையில் ஒரு பரபரப்பான தகவல் வெளியாகி உள்ளது.
அஜித் 61 படத்தை எச் வினோத் இயக்க இருக்கிறார் என்பதும் ஜிப்ரான் இசையமைக்க உள்ளார் என்பதும் தெரிந்தது. மேலும் இந்த படத்தில் நாயகியாக நடிக்க 3 நடிகைகள் பரிசீலனை செய்யப்பட்டதாக கூறப்பட்ட நிலையில் தற்போது வித்யாபாலன் இந்த படத்தில் நடிக்க ஒப்புக்கொண்டுள்ளதாக கூறப்படுகிறது .
ஏற்கனவே எச் வினோத் இயக்கத்தில் அஜீத் ஜோடியாக வித்யாபாலன் நேர்கொண்ட பார்வை என்ற திரைப்படத்தில் நடித்த நிலையில் அந்த படத்தில் இருவருடைய கெமிஸ்ட்ரி சூப்பராக வொர்க்-அவுட் ஆனதால் இந்த படத்தில் மீண்டும் ஜோடி சேர உள்ளதாகவும் இது குறித்த பேச்சுவார்த்தை நடைபெற்று வருவதாகவும் விரைவில் அதிகாரப்பூர்வ அறிவிப்பு வெளியாகும் என்றும் கூறப்படுகிறது.
போனிகபூர் படத்திற்காக எந்த கேரக்டரிலும் நடிப்பேன் என ஏற்கனவே கூறியிருந்த வித்யாபாலன் இந்த படத்திலும் நடிக்க ஒப்புக் கொள்வார் என்று எதிர்பார்க்கப்படுகிறது.
