இந்தியா
கோவிஷீல்டை அடுத்து கோவாக்சின் விலையும் குறைப்பு!
இந்தியாவில் கோவாக்சின் மற்றும் கோவிஷீல்டு ஆகிய இரண்டு தடுப்பூசிகளுக்கு அனுமதி வழங்கப்பட்டு இருந்த நிலையில் சமீபத்தில் கோவிஷீல்டு தடுப்பூசி விலை குறைக்கப்பட்டது ஏற்கனவே பார்த்தோம். இந்த நிலையில் தற்போது கோவிஷீல்டு தடுப்பூசியை அடுத்து கோவாக்சின் விலையும் குறைக்கப்பட்டுள்ளதாக அறிவிக்கப்பட்டுள்ளது
ஏற்கனவே கோவாக்சின் தடுப்பூசி விலை மாநில அரசுகளுக்கு ரூ.600 என்ற விலையிலும் தனியார் மருத்துவமனைகளுக்கு ரூபாய் 1200 என்ற விலையிலும் வழங்கப்பட்டு வந்த நிலையில் தற்போது இந்த தடுப்பூசி விலை மாநில அரசுகளுக்கு ரூபாய் 200 குறைக்கப்பட்டுள்ளது. இதனை அடுத்து மாநில அரசுகளுக்கும் தடுப்பூசி ரூ.400 விலையில் கிடைக்கும் என்பது குறிப்பிடத்தக்கது.
கோவாக்சின் தடுப்பூசி விலை 200 குறைக்கப்பட்டுள்ளதை அடுத்து மக்கள் நிம்மதி அடைந்துள்ளனர். ஆனால் அதேநேரத்தில் தனியார் மருத்துவமனைகளுக்கு விற்கப்படும் நிலையில் எந்தவிதமான மாற்றமும் இல்லை என பாரத் பயோடெக் நிறுவனம் அறிவித்துள்ளது
சமீபத்தில் கோவிஷீல்டு நிறுவனம் ரூபாய் 400 என்ற விலையில் தடுப்பூசியை விற்பனை செய்து கொண்டிருந்த நிலையில் ரூபாய் 100 விலை குறைக்கப்பட்டு ரூபாய் 300 என்ற விலையில் விற்கப்படுவதாக சீரம் நிறுவனம் அறிவித்துள்ளது. தற்போது கொரோனா வைரஸ் தொற்று அதிகமாகி வரும் நிலையில் தடுப்பூசிகளின் முக்கியத்துவம் கருதி கோவிஷீல்டு, கோவாக்சின் ஆகிய இரண்டு தடுப்பூசிகளின் விலையும் குறைக்கப்பட்டுள்ளது என்பது குறிப்பிடத்தக்கது.