குஷ்பு, கெளதமிக்கு ஆப்பு வைத்ததா அதிமுக?

அதிமுக கூட்டணியில் பாஜகவுக்கு 20 தொகுதிகள் ஒதுக்கப்பட்டிருக்கும் நிலையில் அந்த 20 தொகுதிகள் குறித்த உத்தேச பட்டியல் குறித்த தகவல் சமீபத்தில் வெளியானது. இந்த பட்டியலைப் பார்த்த அதிமுக தலைமை அதிலுள்ள பல தொகுதிகளை மாற்றி விட்டதாக தகவல்கள் வெளிவந்துள்ளது.

குறிப்பாக குஷ்பு போட்டியிட விருப்பபட்டு இருந்த சேப்பாக்கம் தொகுதியைக் தருவதற்கு அதிமுக முடியாது என்று கூறிவிட்டதாகவும், அதற்கு பதிலாக ஆயிரம் விளக்கு தொகுதியை தருவதற்கு முன் வந்துள்ளதாகவும் கூறப்படுகிறது. அதேபோல் நடிகை கௌதமி, ராஜபாளையம் தொகுதியில் போட்டியிட திட்டமிட்டிருந்த நிலையில் அந்த தொகுதியையும் அதிமுக தர முடியாது என்று கூறியதாகவும், அதற்கு பதிலாக விருதுநகர் பகுதியை ஒதுக்கி உள்ளதாக தகவல்கள் வெளிவந்துள்ளன. எனவே குஷ்பு, கெளதமி ஆகிய இருவருக்கும் அதிமுக ஆப்பு வைத்ததாகவே கருதப்படுகிறது.

மேலும் கோவை தெற்கு, ராசிபுரம் உள்ளிட்ட தொகுதிகளும், பாஜக பட்டியலில் இருந்த நிலையில் அந்த தொகுதிகளையும் அதிமுக தர மறுத்ததாக கூறப்படுகிறது. இப்போதைக்கு பாஜகவுக்கு கிடைக்கும் தொகுதிகள் என தகவல் வந்துள்ள 20 தொகுதிகள் இவைகள் தான்: 1. திருநெல்வேலி 2. நாகர்கோவில் 3. குளச்சல் 4. விளவங்கோடு 5. ராமநாதபுரம் 6. காரைக்குடி 7. மதுரை வடக்கு 8. விருதுநகர் 9. மொடக்குறிச்சி 10. அரவக்குறிச்சி 11. கோவை வடக்கு 12. திருவையாறு 13. தாராபுரம் 14. ஊட்டி 15. திருவண்ணாமலை 16. திட்டக்குடி 17. தளி 18. திருக்கோவிலூர் 19. ஆயிரம் விளக்கு 20. துறைமுகம்.