சினிமா
நடிகர் சங்கத் தேர்தல் திடீர் ரத்து!
தென்னிந்திய நடிகர் சங்க தேர்தல் வரும் 23-ஆம் தேதி நடைபெற இருந்த நிலையில் தேர்தலை ரத்து செய்து அனைத்து சங்கங்களின் பதிவாளர் உத்தரவிட்டுள்ளார்.
தென்னிந்திய நடிகர் சங்க தேர்தலில் கடந்த தேர்தலில் போட்டியிட்ட விஷால், நாசர் தலைமையிலான பாண்டவர் அணி போட்டியிடுகிறது. இவர்களை எதிர்த்து, பாக்கியராஜ், ஐசரி கணேஷ், பிரசாந்த் உள்ளிட்ட சுவாமி சங்கரதாஸ் என்ற அணி போட்டியிடுகிறது.
இந்நிலையில் பரபரப்பாக போய்க்கொண்டிருக்கும் இந்த தேர்தல் ரத்தாக்கியுள்ளது. ஏற்கனவே தேர்தலை ரத்து செய்ய வேண்டும் என்று பாரதி பிரியன் உள்ளிட்ட 61 பேர், அனைத்து சங்கங்களின் பதிவாளரிடம் புகார் அளித்துள்ளனர். சங்க விதிமுறைகளை மீறி உறுப்பினர்களை நீக்கியது தொடர்பாக நடிகர் சங்கத்திற்கு மாவட்ட பதிவாளர் விளக்கம் கேட்டு நோட்டீஸ் அனுப்பியிருந்தார்.
இந்நிலையில் 23-ஆம் தேதி நடைபெறுவதாக இருந்த நடிகர் சங்க தேர்தலை நிறுத்த மாவட்ட பதிவாளர் உத்தரவிட்டுள்ளார். இந்த தேர்தல் ரத்து பின்னணியில் தமிழக அரசு இருப்பதாக பேசப்படுகிறது.