சினிமா செய்திகள்
’கே.ஜி.எஃப் 2’ ரிலீஸ் தேதியை அறிவித்தார் நடிகர் யாஷ்!
![kgf2_2 - Bhoomitoday kgf](https://www.bhoomitoday.com/wp-content/uploads/2021/08/kgf2_2.jpg)
பிரபல கன்னட நடிகர் யாஷ் நடித்த ’கேஜிஎப் 2’ திரைப்படத்தின் ரிலீஸ் தேதி அதிகாரபூர்வமாக அறிவிக்கப்பட்டுள்ளது. இதனை அடுத்து ரசிகர்கள் கொண்டாடி வருகின்றனர்.
பிரபல கன்னட நடிகர் யாஷ் நடித்த திரைப்படம் ’கேஜிஎப்’ கடந்த 2018ஆம் ஆண்டு வெளியாகி மிகப்பெரிய வெற்றி பெற்றது என்பது அனைவரும் அறிந்ததே. இந்நிலையில் இந்த படத்தின் இரண்டாம் பாகம் கடந்த சில மாதங்களாக படப்பிடிப்பு மற்றும் போஸ்ட் புரொடக்ஷன் பணிகள் நடந்து வந்தது.
தற்போது ’கேஜிஎப் 2’ படம் ரிலீசுக்கு தயாராக இருந்தாலும் இந்த படத்தை திரையரங்குகள் திறந்தவுடன் இந்தியா முழுவதும் பிரமாண்டமாக வெளியிட படக்குழுவினர் திட்டமிட்டிருந்தனர். இந்த நிலையில் தமிழகம் உட்பட ஒரு சில மாநிலங்களில் திரையரங்குகளுக்கு திறப்பது குறித்த அறிவிப்புகள் வெளிவந்தாலும், இன்னும் கேரளா உள்பட ஒருசில மாநிலங்களில் திரையரங்குகள் திறக்கப்படவில்லை.
The uncertainties of today will only delay our resolve, but the eventuality is as promised.We will be out in theaters on april 14th 2022.#KGF2onApr14@prashanth_neel @VKiragandur @hombalefilms @duttsanjay @TandonRaveena @SrinidhiShetty7 pic.twitter.com/2FPTknM7Nb
— Yash (@TheNameIsYash) August 22, 2021
இதனை கணக்கில் கொண்டு அடுத்த ஆண்டு ஏப்ரல் மாதம் 14ஆம் தேதி இந்த படத்தை உலகம் முழுவதும் ரிலீஸ் செய்ய இருப்பதாக நடிகர் யாஷ தனது டுவிட்டர் பக்கத்தில் சற்று முன் தெரிவித்துள்ளார். இதனையடுத்து ’கேஜிஎப் 2’ ரசிகர்கள் இந்த தகவலை கொண்டாடி வருகின்றனர்.
The uncertainties of today will only delay our resolve, but the eventuality is as promised.We will be out in theaters on april 14th 2022. #KGF2onApr14@prashanth_neel @hombalefilms @VKiragandur @duttsanjay @TandonRaveena @SrinidhiShetty7
— Yash (@TheNameIsYash) August 22, 2021
ரூ.120 கோடி பட்ஜெட்டில் உருவாகியுள்ள இந்த படம் தமிழ், தெலுங்கு, கன்னடம், மலையாளம் மற்றும் இந்தி ஆகிய 5 மொழிகளில் தயாராகி உள்ளது என்பது குறிப்பிடத்தக்கது. இந்த படத்தின் அனைத்து மொழி உரிமைகளை வாங்க விநியோகஸ்தர்கள் போட்டி போட்டுக் கொண்டுள்ளனர் என்பது தெரிந்தது.