சின்னதிரை நடிகர் விஜயராஜ் திடீர் மரணம்!

திண்டுக்கல் : கடந்த 2002ம் ஆண்டு இயக்குநர் திருமுருகன் இயக்கிய மெட்டி ஒலி எனும் தொடர் சன்டிவி ஒளிபரப்பானது. இதன் மூலம் சின்னதிரை மக்களிடம் பிரபலமான நடிகர் விஜயராஜ் மாரடைப்பால் திடீர் என உயிரிழந்துள்ளார்.

அப்படி, சின்னதிரையில் தனது இயல்பான நடிப்பாலும், உடல் மொழியாலும் மக்களின் நன்மதிப்பைப் பெற்ற நடிகர் விஜயராஜ். இவர் மெட்டி ஒலி, நாதஸ்வரம், கோலங்கள் ஆகியவற்றிலும் முக்கியக் கதாப்பாத்திரத்தில் நடித்திருந்தார். இவருக்குத் திருமணமாகி 8 வயதில் ஐஸ்வர்யா என்ற பெண் குழந்தை உள்ளது.

இந்நிலையில் தீபாவளியை கொண்டாடத் தனது சொந்த ஊரான பழனிக்குச் சென்றுள்ளார். 43 வயதான விஜயராஜ், பழனி இடும்பன் மலைப் பகுதியில் உள்ள அவரது வீட்டில் மாரடைப்புக் காரணமாக மரணமடைந்துள்ளார். இவர் உயிரிழந்த செய்தியை கேட்டு சின்னதிரை பிரபலங்கள் அதிர்ச்சி அடைந்துள்ளனர்.

அவரின் இறப்பிற்குத் திரை உலகப் பிரபலங்கள் பலர் இரங்கல் தெரிவித்து வருகின்றனர்.