சினிமா செய்திகள்
நான் பாஜகவில் இணைவதாக வெளியான தகவல் இறந்து புதைந்த செய்தி: வடிவேலு
நான் பாஜகவில் இணைவதாக வெளியான தகவல் இறந்து புதைந்த செய்தி சென்று நடிகர் வடிவேலு தெரிவித்துள்ளார்.
தமிழக சட்டமன்றத் தேர்தல் நெருங்கி வரும் நிலையில், அரசியல் கட்சிகள் தங்களது பலத்தை அதிகரிக்கத் தொடங்கியுள்ளன. பாஜக தனது கட்சியில் முன்னாள் ஐபிஎஸ் அதிகரி அண்ணாமலை, நடிகை குஷ்பு என பலரை தங்களது கட்சியில் இணைத்து வருகிறது.
குஷ்பு பாஜகவில் இணைந்ததைத் தொடர்ந்து, நடிகர் வடிவேலுவும் பாஜகவில் இணைவார் என்று கூறப்பட்டு வந்தது. ஏற்கனவே 2011 சட்டமன்றத் தேர்தலில் போது, வடிவேலு திமுக சார்பாகத் தேர்தல் பிரச்சாரத்தில் ஈடுபட்டார்.
அப்போது ஏற்பட்ட பிரச்சினைகள் காரணமாக அரசியல் மட்டுமல்லாமல் நடிப்பதிலிருந்து வடிவேலு விலகியிருந்தார். இப்போது ஒரு சில படங்களில் நடித்து வரும் நிலையில் மீண்டும் வடிவேலு பாஜகவில் இணைய உள்ளார் என்று தகவல்கள் பரவி வருகிறன.
அது குறித்து பிரபல தொலைக்காட்சி ஒன்றுக்கு அளித்த பேட்டியில், நான் பாஜகவில் இணைவதாக வெளியான தகவல் இறந்து புதைந்த செய்தி என்று கூறியுள்ளார்.
