Actor Soori: டாடா படம் பார்த்து கண்கலங்கிய சூரி..!

பிக்பாஸ் புகழ் நடிகர் கவின் மற்றும் பீஸ்ட் நடிகை அபர்ணா தாஸ் நடிப்பில் அறிமுக இயக்குநர் கணேஷ் கே.பாபு இயக்கத்தில் சமீபத்தில் வெளியாகியுள்ள படம் “டாடா தி அப்பா”. கடந்த 10 ஆம் தேதி இப்படம் திரையரங்குகளில் வெளியானது.

படம் வெளியாகி அனைவரையும் கவர்ந்த நல்ல வரவேற்பை பெற்றுள்ளது. இதனால் நாளுக்கு நாள் டாடா திரையிடப்படும் திரையரங்குகள் எண்ணிக்கை அதிகமாயது, டாடா பழக்குழுவினருக்கு மகிழ்ச்சியை அளித்துள்ளது.

இந்நிலையில் நடிகர் சூரி டாடா படம் பார்த்து விட்டு அதுபற்றி கருத்து தெரிவித்துள்ள வீடியோ இணையத்தில் வைரலாகியுள்ளது. அவர் கூறுகையில் கவின் நடித்த ‘டாடா’ திரைப்படம் மனத்திற்கு மிகவும் நிறைவாக உள்ளது. ஆரம்பம் முதல் முடிவு வரை செல்ஃபோனை பார்க்காமல் நீண்ட இடைவேளைக்கு பிறகு பார்த்த ஒரு படம். “எப்படி பல இடங்களில் கண்ணீர் வரும் அளவுக்கு சிரிக்க வைத்தார்களோ, அதே போல் படத்தின் இறுதியில் கண்ணீர் வரும் அளவுக்கு அழவும் வைத்தார்கள்” இவ்வாறு அவர் படம் குறித்து பாராட்டி இருந்தார்.

தற்போது சூரி மற்றும் விஜய் சேதுபதி இணைந்து இயக்குநர் வெற்றிமாறன் இயக்கத்தில் விடுதலை படத்தில் நடித்துள்ளனர். இந்நிலையில், படத்தின் படப்பிடிப்பு முடிந்து போஸ்ட் புரொடக்‌ஷன் பணிகள் விறுவிறுப்பாக நடைபெற்று வருகிறது. இப்படம் மார்ச் 31, 2023 வெளியாகும் என அறிவிக்கப்பட்டுள்ள்து.

seithichurul

See Full Bio