சினிமா செய்திகள்
பிரபல முன்னணி இயக்குநர் படத்தில் அறிமுகம் ஆகும் நடிகர் சிவாஜி பேரன்..!
நடிகர் சிவாஜி கணேசனின் பேரன் தர்ஷன் தமிழில் முன்னணியில் உள்ள பிரபல இயக்குநர் ஒருவரின் படத்தில் அறிமுகம் ஆக உள்ளார்.
நடிகர் சிவாஜி கணேசனின் மூத்த மகன் ராம்குமார் சினிமா தயாரிப்பிலும் இளைய மகன் பிரபு நடிப்பிலும் கவனம் செலுத்தி வந்தனர். சிவாஜியின் பேரனும் பிரபுவின் மகனுமான விக்ரம் பிரபு தற்போது தமிழ் சினிமாவில் நாயகன் ஆக வலம் வருகிறார். ராம் குமாரின் மூத்த மகன் துஷ்யந்த் சக்சஸ் என்னும் படம் மூலம் தமிழ் சினிமாவில் அறிமுகம் ஆனார். இரண்டாவது மகன் சிவகுமார் தேவ் என்ற சிவாஜி தேவ் கடைக்குட்டி என்ற படம் மூலம் அறிமுகம் ஆனார்.
தற்போது ராம்குமார் கணேசனின் இளைய மகன் தர்ஷன் இயக்குநர் சீனு ராமசாமியின் படத்தில் நாயகன் ஆக அறிமுகம் ஆகிறார். யதார்த்தமான படங்களைத் தரும் சீனு ராமசாமிக்காக பல வித சண்டை மற்றும் நடிப்புப் பயிற்சியை கூத்துப் பட்டறையில் இணைந்து கற்றுக் கொண்டுள்ளாராம் தர்ஷன். இயக்குநர் சீனு ராமசாதி தற்போது நடிகர் விஜய் சேதுபதி உடன் மாமனிதன், இடம் பொருள் ஏவல் ஆகிய இரண்டு படங்களையும் நிறைவு செய்துள்ளார்.
இந்த இரு படங்களும் ரிலீசுக்குத் தயாராகி வருவதால் தர்ஷன் உடனான படத்துக்குத் தயாராகி விட்டாராம் சீனு ராமசாமி.
