முதன்முறையாக இயக்குநர் ராம் படத்தில் நடிக்கிறாரா சிம்பு..?

இயக்குநர் ராம் படத்தில் சிம்பு நடிக்க உள்ளதாக செய்திகள் தொடர்ந்து வெளியாகி வருகின்றன.

நடிகர் சிம்புவின் நடிப்பில் உருவான ஈஸ்வரன் படம் கடந்த பொங்கல் பண்டிகைக்கு வெளியானது சிம்புவின் மிகப்பெரிய கம் பேக் ஆக இருந்தது. வெங்கட் பிரவு உடனான மாநாடு படத்தையும் நிறைவு செய்துள்ள சிம்பு படத்தின் வெளியீட்டுக்காகக் காத்திருக்கிறார். இதுபோக, கெளதம் கார்த்திக் உடன் இணைந்து பத்து தல, கெளதம் மேனன் இயக்கத்தில் ஒரு படம், அம்மா உஷா ராஜேந்திரன் சங்கத்துக்கு நிதி திரட்ட ஒரு படம், சுசீந்திரன் உடன் இன்னொரு படம் என மிகவும் பிஸியாகி உள்ளார் சிம்பு.

இந்த சூழலில் மாநாடு படத்தைத் தயாரித்த தயாரிப்பாளர் சுரேஷ் காமாட்சி உடன் இணைந்து மீண்டும் ஒரு படத்தில் நடிக்க உள்ளார் சிம்பு. இந்தப் படத்தை இயக்குநர் ராம் இயக்க உள்ளதாகக் கூறப்படுகிறது. யதார்த்த சினிமாவின் முன்னோடி இயக்குநர் ஆக வலம் வரும் இயக்குநர் ராம் உடன் சிம்பு முதன் முறையாக கூட்டணி அமைக்க உள்ளதாக செய்திகள் வெளியாகி வருகின்றன. ராம்- சிம்பு- சுரேஷ் காமாட்சி ஆகிய மூவரும் இணைந்து பேசி வரும் புகைப்படம் ரொம்ப நாளாகவே சமுக வலைதளங்களில் வைரல் ஆகி வருகிறது.

மீண்டும் மீண்டும் வைரல் ஆக்கி ராம்- சிம்பு பட அதிகாரப்பூர்வ அப்டேட் எப்போது வரும் என ரசிகர்கள் காத்திருக்கத் தொடங்கிவிட்டனர். சிம்பு- ராம் என்ற புது காம்பினேஷனே ரசிகர்கள் மத்தியில் அதிக எதிர்பார்ப்பை ஏற்படுத்தி உள்ளது.