சினிமா செய்திகள்
பதக்கம் வென்றால் மட்டும் இந்தியர், மற்ற நேரத்தில் சிங்கியா? பிரபல நடிகரின் மனைவி சாட்டையடி!
பதக்கம் வெல்லும் போது மட்டும் இந்தியர் என புகழப்படுவதும், மற்ற நேரத்தில் சிங்கி, கொரோனா உள்பட பல பெயர்களில் அழைக்கப்படுவதாகவும், பிரபல நடிகரின் மனைவி ஒருவர் கூறியிருப்பது பெரும் பரபரப்பை ஏற்படுத்தி உள்ளது
பிரபல பாலிவுட் நடிகர் மிலிந்த் சோமன் மனைவி அங்கிதா. இவர் தனது சமூக வலைதளப் பக்கத்தில் ஒரு பதிவு செய்துள்ளார். அதில் வடகிழக்கு மாநிலத்தை சேர்ந்த மக்கள் பதக்கம் என்றால் மட்டும் அவர்கள் இந்தியர்களாக பார்க்கப்படுகிறார்கள் என்றும், மற்ற நேரத்தில் நாங்கள் சிங்கி’, ‘சைனீஸ்’, ‘நேபாளி என்றும் சமீபகாலமாக கொரோனா என்றும் அழைக்கப்பட்டு வருகிறோம் என்றும் கூறியுள்ளார்.
மேலும் இந்தியா சாதிவெறியில் மட்டும் மூழ்கி இருக்கவில்லை, மாறாக இனவெறியிலும் மூழ்கியிருக்கின்றது என்றும், என்னுடைய அனுபவத்திலிருந்து இதை கூறுகிறேன் என்றும் எல்லாம் வேஷதாரிகள் என்றும் கூறியுள்ளார். அவருடைய இந்த விமர்சனம் பெரும் அதிர்ச்சியை ஏற்படுத்தியுள்ளது
சமீபத்தில் வடகிழக்கு மாநிலமான மணிப்பூர் மாநிலத்தைச் சேர்ந்த மீராபாய் சானு இந்தியாவுக்கு வெள்ளிப் பதக்கம் வென்றதை அடுத்து அவருக்கு நாடு முழுவதும் பாராட்டுக்கள் குவிந்து வருகிறது. ஜனாதிபதி ராம்நாத் கோவிந்த், பிரதமர் மோடி, காங்கிரஸ் எம்பி ராகுல் காந்தி உள்பட பலரும் அவருக்கு வாழ்த்து தெரிவித்த நிலையில் இந்த பதிவை நடிகர் மிலிந்த் சோமன் மனைவி பதிவு செய்துள்ளார் என்பது குறிப்பிடத்தக்கது.
நடிகர் மிலிந்த் சோமன் மனைவி அங்கிதாவின் இந்த பதிவுக்கு நெட்டிசன்கள் பலர் தங்களது கண்டனத்தை தெரிவித்து வருகின்றனர்.
If you’re from Northeast India, you can become an Indian ONLY when you win a medal for the country.
Otherwise we are known as “chinky” “Chinese” “Nepali” or a new addition “corona”.
India is not just infested with casteism but racism too.
Speaking from my experience. #Hypocrites— Ankita Konwar (@5Earthy) July 27, 2021
