பிக்பாஸ் 4 வெற்றியாளர் ஆரி-க்கு உடல்நலக் குறைவு… வைரல் வீடியோ!

பிக்பாஸ் தமிழ் சீசன் 4 நிகழ்ச்சியின் வெற்றியாளர் ஆரி தற்போது வெளியிட்டுள்ள வீடியோ சமுக வலைதளங்களில் வைரலாகி வருகிறது.

பிக்பாஸ் தமிழ் சீசன் 4 நிகழ்ச்சியின் மூலம் தமிழர்கள் மத்தியில் மிகவும் பிரபலமானவர் ஆனார் நடிகர் ஆரி. பிக்பாஸ் நிகழ்ச்சிகளிலேயே இல்லாத பல சாதனைகளைச் செய்தவரும் இவரே. பிக்பாஸ் நிகழ்ச்சிகளிலேயே இல்லாத வகையில் சக போட்டியாளர்களால் அதிக முறை நாமினேட் செய்யப்பட்டு அதிகமுறை மக்கள் ஓட்டுகளால் காப்பற்றப்பட்டவரும் ஆரி தான்.

பிக்பாஸ் டைட்டிள் ஜெயித்த உடன் பார்ட்டியிலும் உற்சாகமாக ஆரி கலந்து கொண்டார். வீட்டுக்குள் 100 நாட்கள் அடைபட்டுக் கிடந்தாலும் வெளியில் வந்ததும் ஓய்வு கூட எடுக்காமல் தொடர்ந்து பட பூஜை, பட ஒப்பந்தங்கள் என மிகவும் பிஸியாகி உள்ளார். இதனால் உடல் நிலை கடுமையாகப் பாதிக்கப்பட்டு தற்போது வீட்டிலேயே ஓய்வு எடுத்து வருகிறாராம் ஆரி.

தனது உடல்நிலை குறித்து ஆரியே ஒரு வீடியோவையும் வெளியிட்டுள்ளார். அதில் உடல்நிலை சரியில்லாத காரணத்தால் ரசிகர்களைச் சந்திக்க முடியாது சூழல் ஏற்பட்டுள்ளதாகவும் அதற்காக ரசிகர்கள் தன்னை மன்னிக்க வேண்டும் என்றும் ஆரி வேண்டுகோள் விடுத்துள்ளார்.

seithichurul

See Full Bio