சினிமா செய்திகள்
டயலாக் இல்லாமல் திகிலூட்டும் ஐரா பட ஸ்நீக் பீக்!
சர்ஜூன் இயக்கத்தில் நயன்தாரா முதன்முறையாக இரட்டை வேடத்தில் நடித்துள்ள ஐரா திரைப்படம் இந்த வாரம் திரைக்கு வருகிறது.
அந்த படத்தின் திகிலூட்டும் ஸ்நீக் பீக் ஒன்றை படக்குழு வெளியிட்டு, வைரலாக்கி வருகிறது.
இல்லாத பேயை இருப்பது போல யுடியூப் வீடியோவை வெளியிட்டு, வைரலாக்க துடிக்கும் நயன்தாரா, அவரது முயற்சியில், நிஜப் பேய் ஒன்றை சந்திப்பதும், அந்த பேயை கொன்றவர்களை பழிவாங்க உதவுவதுமாக ஐரா படத்தின் கதை உள்ளதாக தகவல்கள் வெளியாகி உள்ளன.
லஷ்மி, மா குறும்படங்களை இயக்கிய சர்ஜுன், எச்சரிக்கை இது மனிதர்கள் நடமாடும் படத்தின் மூலம் சினிமாவிற்குள் அறிமுகமானார். அவரது இயக்கத்தில், இரண்டாவது படமாக ஐரா உருவாகியுள்ளது.
கோலமாவு கோகிலா படத்தில் நயன்தாராவுடன் காமெடியில் கலக்கிய யோகிபாபு, இந்த படத்திலும், அவருடன் காமெடி கலாட்டா செய்துள்ளார்.
