சினிமா செய்திகள்
மருத்துவமனையில் பிரகாஷ்ராஜ்: அறுவை சிகிச்சைக்கு பின் எடுக்கப்பட்ட புகைப்படம் இதோ!
தமிழ், தெலுங்கு, கன்னடம் உள்பட தென்னிந்திய திரையுலகில் பிஸியாக இருக்கும் நடிகர்களில் ஒருவர் பிரகாஷ்ராஜ் என்பது தெரிந்ததே. இவர் சமீபத்தில் தனது வீட்டில் எதிர்பாராதவிதமாக தடுமாறி விழுந்ததாகவும் இதனை அடுத்து அவருக்கு காயம் ஏற்பட்டதாகவும் கூறப்பட்டது.
மருத்துவமனைக்குச் சென்று பரிசோதனை செய்தபோது அவருக்கு தோள்பட்டையில் சிறிய எலும்பு முறிவு ஏற்பட்டு இருப்பது உறுதி செய்யப்பட்டது. இதனை அடுத்து அவர் அறுவை சிகிச்சை செய்வதற்காக ஹைதராபாத் செல்வதாக தனது டுவிட்டர் பக்கத்தில் தெரிவித்திருந்தார்.
இந்த நிலையில் பிரகாஷ்ராஜுக்கு அறுவை சிகிச்சை முடிந்து விட்டதாகவும் விரைவில் குணமடைவார் என்றும் மருத்துவமனை வட்டாரங்கள் கூறுகின்றன. இதனை பிரகாஷ்ராஜ் தனது டுவிட்டர் பக்கத்தில் உறுதி செய்துள்ளார். அவர் தனது டுவிட்டரில் கூறியிருப்பதாவது:
எனது நண்பர் டாக்டர் குருவா ரெட்டி அவர்கள் எனக்கு நல்ல முறையில் அறுவை சிகிச்சை செய்தார். தற்போது நான் நலமாக இருக்கிறேன். என்னை பற்றி யாரும் கவலைப் படவேண்டாம். விரைவில் முழு குணமாகி வீடு திரும்புவேன். எனக்காக பிரார்த்தனை செய்த அனைத்து ரசிகர்களுக்கும் நன்றி என்று குறிப்பிட்டுள்ளார். மேலும் பிரகாஷ்ராஜ் மருத்துவமனையில் இருக்கும் புகைப்படத்தையும் தனது டுவிட்டரில் பதிவு செய்துள்ளார் என்பது குறிப்பிடத்தக்கது.
நடிகர் பிரகாஷ்ராஜ் தற்போது பொன்னியின் செல்வன், எனிமி, அண்ணாத்த, புஷ்பா உள்பட பல திரைப்படங்களில் நடித்து வருகிறார் என்பதும் அவர் நடித்து வரும் பெரும்பாலான திரைப்படங்கள் இறுதிகட்டத்தில் உள்ளன என்பதும் குறிப்பிடத்தக்கது.
The ???? devil is back… successful surgery.. thank you dear friend Dr #guruvareddy and ???????????? thank you all for your love n prayers.. back in action soon ???????? pic.twitter.com/j2eBfemQPn
— Prakash Raj (@prakashraaj) August 11, 2021