இந்தியா
இந்தியாவில் தயாராகும் டாப் 5 எலக்ட்ரிக் கார்கள்.. மாடல் மற்றும் விலை விபரம்..!
எலக்ட்ரிக் கார்கள் வாங்குவதில் தற்போது மக்கள் மிகுந்த ஆர்வம் காட்டி வருவதால் முன்னணி நிறுவனங்கள் புதுப்புது மாடல்களில் எலக்ட்ரிக் கார்களை தயாரித்து விற்பனை செய்து வருகிறார்கள் என்பதை பார்த்து வருகிறோம். பெட்ரோல் டீசல் விலை உச்சத்திற்கு சென்று கொண்டிருக்கும் நிலையில் எலக்ட்ரிக் கார்களை வாங்குவதில் தான் மக்கள் மிகுந்த ஆர்வத்தில் உள்ளனர் என்பதும் சமீபத்தில் எடுக்கப்பட்ட கருத்துக்கணிப்பில் தெரிவிக்கப்பட்டுள்ளது.
இந்த நிலையில் உலக நாடுகளுக்கு போட்டியாக இந்தியாவிலும் முன்னணி நிறுவனங்கள் எலக்ட்ரிக் கார்களை உற்பத்தி செய்து வருகின்றன என்பதும் அவை கார் வாங்குபவர்கள் மத்தியில் நல்ல வரவேற்பு பெற்று வருகிறது என்பதும் குறிப்பிடத்தக்கது. அந்த வகையில் இந்தியாவில் தயாராகும் டாப் 5 எலக்ட்ரிக் கார்கள் குறித்து தற்போது பார்ப்போம்.
1. மாடல்: டாடா டியாகோ எலக்ட்ரிக் கார், விலை: ரூ.8.69 லட்சம் முதல் ரூ.11.99 லட்சம்
டாடா டியாகோ EV தற்போது இந்திய சந்தையில் மிகவும் மலிவான மின்சார கார் ஆகும். இது 2 வெவ்வேறு பேட்டரி பேக்கில் கிடைக்கின்றது. அதாவது 19.2 kWh அலகு மற்றும் 24 kWh அலகு. இவை முறையே 60 பிஎச்பி மற்றும் 74 பிஎச்பி ஆற்றலை கொண்டவை. மேலும் பேட்டரி பேக்கைப் பொறுத்தவரை ஒரு முறை சார்ஜ் செய்தால் 250 முதல் 310 கிமீ வரை ஓடும் தன்மை கொண்டது என கூறப்படுகிறது.
2. மாடல்: சிட்ரோயன் eC3 எலக்ட்ரிக் கார்: விலை: ரூ 11.50 லட்சம் முதல் ரூ 12.13 லட்சம் வரை
சிட்ரோயன் நிறுவனம் சமீபத்தில் இந்தியாவில் eC3 என்ற மாடலை அறிமுகப்படுத்தியது. C3 மாடல் 29.2 kWh LFP பேட்டரி பேக்கை கொண்டது. மேலும் ஒருமுறை சார்ஜ் செய்தால் 320 கிமீ வரை இயங்கும். இந்த எலெக்ட்ரிக் காரில் 56 பிஎச்பி மற்றும் 143 என்எம் டார்க் திறனை உருவாக்கும். சிட்ரோயன் eC3 கார் மணிக்கு 107 கிமீ வேகத்தில் செல்லும்.
3. மாடல்: டாடா டிகோர் எலக்ட்ரிக் கார், விலை: ரூ 12.49 லட்சம் முதல் ரூ 13.75 லட்சம் வரை
டாடா டிகோர் எலக்ட்ரி கார் தற்போது சந்தையில் ரூ.20 லட்சம் என்ற விலையில் கிடைக்கும். இந்த கார் 26 kWh திரவ-குளிரூட்டப்பட்ட IP67-ரேட்டட் லித்தியம்-அயன் பேட்டரி பேக்கை கொண்டுள்ளது. மின்சார மோட்டாருடன் இணைக்கப்பட்டுள்ள இந்த கார் பவர்டிரெய்ன் 74 பிஎச்பி மற்றும் 170 என்எம் பீக் டார்க்கை வெளிப்படுத்தும். ஒருமுறை சார்ஜ் செய்தால் 315 கிமீ வரை ஓடும்.
4. மாடல் டாடா நெக்ஸான் எலக்ட்ரி கார்: விலை: ரூ 14.49 லட்சம் முதல் ரூ 18.99 லட்சம் வரை
டாடா நெக்ஸான் எலக்ட்ரிக் கார் இந்தியாவில் அதிகம் விற்பனையாகும் மின்சார கார் ஆகும். இந்தியாவில் டாடா மோட்டார்ஸின் எலக்ட்ரி கார் விற்பனையில் புரட்சியை ஏற்படுத்தியுள்ளது. இந்த கார் தற்போது பிரைம் மற்றும் மேக்ஸ் பதிப்புகளில் கிடைக்கிறது. டாடா நெக்ஸான் பிரைம் 30.2 kWh லித்தியம்-அயன் பேட்டரியை கொண்டது. டாடா நெக்ஸான் Max கார், 40.5 kWh யூனிட்டைப் பெறுகிறது. ஒருமுறை சார்ஜ் செய்தால் 312 கிமீ முதல் 437 கிமீ வரை ஓடும்.
5. மாடல்: மஹிந்திரா XUV400: விலை: ரூ 15.99 லட்சம் முதல் ரூ 18.99 லட்சம் வரை
மஹிந்திராவின் XUV400 மாடல் எலக்ட்ரிக் கார் 39.4 kWh லித்தியம்-அயன் பேட்டரி பேக்கை கொண்டது. ஒருமுறை சார்ஜ் செய்தால் 456 கிமீ வரை ஓடும். இந்த கார் 34.5 kWh பேட்டரி பேக்கில் கிடைக்கும்.
மேலே குறிப்பிடப்பட்டுள்ள விலைகள் அனைத்தும் எக்ஸ்-ஷோரூம் விலை என்பது குறிப்பிடத்தக்கது.
