சினிமா செய்திகள்
Hansika Motwani about Simbu: சிம்புவுடனான உறவு பற்றி தனது திருமண வீடியோவில் பேசிய ஹன்சிகா!
பாலிவுட்டில் குழந்தை நட்சத்திரமாக அறிமுகமாகி தமிழ், தெலுங்கு, இந்தி சினிமாக்களில் பிரபல நடிகையாக உருவெடுத்தவர் ஹன்சிகா மோத்வானி. அவர் தனது நீண்ட நாள் நண்பரும், பிசினஸ் பார்ட்னருமான சோஹைல் கதுரியாவுடன் சேர்ந்து ஒரு ஈவென்ட் மேனேஜ்மென்ட் நிறுவனம் ஒன்றை கடந்த சில வருடங்களாக நடத்தி வருகிறார். இவர்கள் இருவருக்கும் திருமணம் நடக்கப் போவதாக தகவல் வெளியானது.
அதையடுத்து அவர்களின் காதலை உறுதிப்படுத்தும் விதத்தில், நவம்பர் 2 ஆம் தேதி ஹன்சிகா, தனது இன்ஸ்டாகிராம் பக்கத்தில் அவரது வருங்கால கணவர் சோஹைல் கதுரியாவுடன் பாரீஸில் ஈபிள் கோபுரம் முன்பு இருக்கும் புகைப்படங்களை பதிவிட்டார். அதன்பிறகு டிசம்பர் 4 -2022 இரவு ஜெய்ப்பூரில் உள்ள 450 வருட பழமையான முண்டோடா கோட்டை மற்றும் அரண்மனையில் இருவருக்கும் திருமணம் நடந்தது. இவர்களது திருமண புகைப்படங்களும் வீடியோக்களும் சமூக வலைதளங்களில் வைரலாகின.
இந்நிலையில், ஹன்சிகாவின் திருமண நிகழ்வுகள் 8 எபிசோடுகளாக ’லவ் ஷாதி டிராமா’ என்ற பெயருடன், டிஸ்னி+ ஹாட்ஸ்டார் தளத்தில் வெளியாக உள்ளதாகத் தகவல் வெளியானது. இதன் ட்ரெய்லர் தற்போது வெளியாகி வரவேற்பைப் பெற்று வருகிறது.
View this post on Instagram
இந்த ட்ரெய்லரில் தனது முந்தைய காதல் பற்றி பேசியுள்ள பேசியுள்ளார் ஹன்சிகா. அதில்”நான் ஏற்கெனவே பொதுமக்களின் பார்வையில் ஒரு ரிலேஷன்ஷிப்பில் இருந்தேன். அதை மீண்டும் செய்ய விரும்பவில்லை. அப்படி மீண்டும் நேர்தால் அது நான் திருமணம் செய்து கொள்ளும் நபராக தான் இருக்க வேண்டும் என்பதில் உறுதியாக இருந்தேன்”என்று கூறியிருந்தார்.
கடந்த 2013ஆம் ஆண்டு நடிகர் சிம்புவுடன் வாலு படத்தில் நடித்தபோது ஹன்சிகா காதலில் விழுந்தார். ஆனால் சில மாத காலத்திலேயே இவர்களது காதல் முடிந்தது. சமீபத்தில் இருவரும் மீண்டும் இணைந்து நடித்தனர்.
இந்நிலையில் இந்த ட்ரெய்லரில் சிம்பு குறித்த ஹன்சிகா பேசியது தற்போது ரசிகர்களின் கவனத்தை ஈர்த்துள்ளது.