சினிமா செய்திகள்
கையில் சிகரெட்டுடன் தெய்வ திருமகள் பேபி சாரா!
![Baby Sara 1 - Bhoomitoday](https://www.bhoomitoday.com/wp-content/uploads/2023/02/Baby-Sara-1.jpg)
விக்ரம் நடித்த தெய்வ திருமகள் திரைப்படத்தில் குழந்தை நட்சத்திரமாக நடித்து அனைவரது கவனத்தையும் ஈர்த்த பேபி சாரா தற்போது நடித்துள்ள புதிய படத்தின் டீசர் ஒன்று வெளியாகியுள்ளது. இதில் பேபி சாரா சிகரெட் பிடிக்கும் காட்சிகள் இடம்பெற்றுள்ளது கடும் விமர்சனத்தை பெற்றுள்ளது.
![Baby Sara - Bhoomitoday](https://www.bhoomitoday.com/wp-content/uploads/2023/02/Baby-Sara.jpg)
#image_title
2011-ஆம் ஆண்டு தெய்வ திருமகள் படத்தின் மூலம் தமிழ் சினிமாவில் குழந்தை நட்சத்திரமாக அறிமுகமானவர் பேபி சாரா. அதன் பின்னர் சில படங்களில் நடித்த பேபி சாரா சமீபத்தில் பொன்னியின் செல்வன் திரைப்படத்தில் ஐஸ்வர்யா ராயின் நந்தினி கதாப்பாத்திரத்தில் சிறு வயது நந்தினியாக நடித்து பலரது கவனத்தை ஈர்த்தார்.
இந்நிலையில் பேபி சாரா நடித்துள்ள கொட்டேஷன் கேங் என்ற திரைப்படத்தின் டீசர் சமீபத்தில் வெளியானது. ஜாக்கி ஷெராஃப், சன்னி லியோன், சாரா உள்ளிட்ட பிரபலங்கள் நடித்துள்ள இந்த படத்தின் டீசரில் பேபி சாரா கையில் சிகரெட்டை புகைத்தபடி நடித்துள்ள காட்சிகள் இடம்பெற்றுள்ளது. இது ரசிகர்களிடையே பெரும் அதிர்ச்சியை ஏற்படுத்தியுள்ளது. பலரும் சமூக வலைதளத்தில் இதனை விமர்சித்து வருகின்றனர்.