இந்தியா
திருமணத்திற்கு செல்லும் வழியில் டிராபிக்கில் சிக்கிய மணமகள்.. சட்டென எடுத்த புத்திசாலித்தனமான முடிவு!
பெங்களூரு என்றாலே முதலில் அனைவருக்கும் ஞாபகம் வருவது அந்த நகரில் உள்ள டிராபிக் பிரச்சனை தான். 10 கிலோமீட்டர் தூரத்தை அடைய வேண்டுமென்றால் கூட சில சமயம் ஒரு மணி நேர முதல் இரண்டு மணி நேரம் ஆகும் என்றும் அந்த அளவுக்கு நகரில் டிராபிக் பிரச்சனை தலைவிரி தாடி வருகிறது என்பது பெங்களூர் வாசிகளுக்கு நன்றாக தெரியும்.
இந்த நிலையில் மணப்பெண் ஒருவர் காரில் திருமணத்திற்காக திருமண மண்டபத்தை நோக்கி சென்று கொண்டிருந்தபோது திடீர் என டிராபிக்கில் சிக்கினார். அந்த டிராபிக்கை கடந்து அவர் திருமண மண்டபத்திற்கு முகூர்த்த நேரத்திற்குள் செல்ல முடியாது என்ற நிலை ஏற்பட்ட நிலையில் திடீரென அவர் எடுத்த ஒரு புத்திசாலித்தனமான முடிவு குறித்த வீடியோ இணையதளங்களில் வைரல் ஆகி வருகிறது.
பெங்களூரை சேர்ந்த மணமகள் ஒருவர் தனது தோழிகள் மற்றும் உறவினர்களுடன் காரில் திருமண மண்டபத்தை நோக்கி சென்று கொண்டிருந்தார். அப்போது வழக்கமாக ஏற்படும் டிராபிக் பிரச்சனை காரணமாக அவருடைய கார் சாலையில் ஊர்ந்து சென்றது. இந்த நிலையில் முகூர்த்த நேரம் நெருங்கி வருவதால் அவருடைய உறவினர்கள் பதட்டம் அடைந்தனர். சரியான நேரத்தில் திருமண மண்டபத்தை அடைய முடியுமா என்ற பதட்டத்தில் அவர்கள் இருந்த நிலையில் மணப்பெண் ஒரு புத்திசாலித்தனமான காரியத்தை செய்தார்.
உடனடியாக அவர் அருகில் உள்ள மெட்ரோ ஸ்டேஷன் வந்தவுடன் காரை நிறுத்த சொல்லி தன்னுடைய உறவினர்களுடன் காரில் இருந்து இறங்கி உடனடியாக மெட்ரோவில் அவர் பயணம் செய்ய முடிவு செய்தார். காரில் இருந்து இறங்கி அவர் மெட்ரோ ரயில் டிக்கெட் எடுத்து மெட்ரோ ரயிலில் பயணம் செய்யும் வீடியோவையும் அவர் தனது சமூகத்தில் பதிவு செய்தார்.
அவர் சென்ற மெட்ரோ ரயில் கிட்டத்தட்ட திருமண மண்டபத்தின் அருகில் சென்றதை எடுத்து அங்கிருந்து இறங்கி அவர் நடக்கும் தூரத்தில் உள்ள திருமண மண்டபத்திற்கு திருமணம் முகூர்த்த நேரத்துக்கு முன்பே சென்று விட்டார்.
இது குறித்த வீடியோவை பார்த்த நெட்டிசன்கள் அவரை பாராட்டி வருகின்றனர். மணமகள் எடுத்த புத்திசாலித்தனமான முடிவு காரணமாக அவர் முகூர்த்த நேரத்திற்கு அரை மணி நேரத்திற்கு முன்பே சென்று விட்டதாக தெரிகிறதூ. இந்த வீடியோ தற்போது இணையதளங்களில் வைரலாகி வரும் நிலையில் மணமகளின் புத்திசாலித்தனமான முடிவுக்கு பாராட்டுக்கள் குவிந்து வருகிறது.
Whatte STAR!! Stuck in Heavy Traffic, Smart Bengaluru Bride ditches her Car, & takes Metro to reach Wedding Hall just before her marriage muhoortha time!! @peakbengaluru moment ???????????? pic.twitter.com/LsZ3ROV86H
— Forever Bengaluru ????❤️ (@ForeverBLRU) January 16, 2023
