சினிமா செய்திகள்
‘தளபதி 67’ படத்தில் 6 வில்லன்கள்.. யார் யார் தெரியுமா?
தளபதி விஜய் நடித்த வாரிசு திரைப்படம் ஒரு பக்கம் வசூலை வாரி குவித்துக் கொண்டிருக்கும் நிலையில் இன்னொரு பக்கம் தளபதி விஜய் நடித்துவரும் அடுத்த திரைப்படம் ஆன தளபதி 67 படம் குறித்த தகவல்கள் கசிந்து ரசிகர்களை ஆச்சரியத்தில் மூழ்கியுள்ளது.
லோகேஷ் கனகராஜ் இயக்கத்தில் உருவாகி வரும் ’தளபதி 67’ படத்தின் படப்பிடிப்பு சமீபத்தில் தொடங்கிய நிலையில் இந்த படம் குறித்து வெளியாகும் தகவல் இதுவரை தமிழ் சினிமா கண்டிராத ஒரு புதுமையாக உள்ளது.
ஒரு படத்தில் ஒரு ஹீரோ என்றால் ஒன்று அல்லது இரண்டு வில்லன்கள் இருப்பார்கள் என்பது தெரிந்தது. அதிலும் தற்போது பிரபல நடிகர்களை வில்லனாக்கும் ட்ரெண்ட் வழக்கமாகியுள்ள நிலையில் ’தளபதி 67’ படத்தில் ஏழு வில்லன்கள் இருக்கிறார்கள் என்றும் இந்த சிலர் ஏற்கனவே ஹீரோவாக நடித்தவர்கள் என்றும் தகவல் வெளியாகியுள்ளதால் பெரும் பரபரப்பு ஏற்பட்டுள்ளது.
ஏற்கனவே ஆக்சன் கிங் அர்ஜுன் இந்த படத்தில் வில்லனாக நடிக்கிறார் என்பதை பார்த்தோம். அதேபோல் இயக்குனர் கௌதம் மேனன், சஞ்சய் தத் ஆகியவர்களும் மெயின் வில்லன்கள் என்று கூறப்பட்டது. மேலும் இந்த படத்தில் மன்சூர் அலிகான் இருக்கிறார் என்பது உறுதி செய்யப்பட்டுள்ள நிலையில் தற்போது இயக்குனர் மிஷ்கின் ஒரு வில்லனாக நடித்து வருகிறார் என்று தகவல் வெளியாகி உள்ளன.
இயக்குனர் மிஷ்கின் விஜய் நடித்த ’யூத்’ என்ற படத்தில் பணியாற்றியதாகவும் அப்போது இருந்தது போலவே அவர் இன்னும் இளமையாக இருக்கிறார் என்றும் ’வாரிசு’ படத்தின் வெற்றி விழாவில் குறிப்பிட்டதை அடுத்து அவர் இந்த படத்தில் இருப்பது உறுதி செய்யப்பட்டுள்ளது.
மேலும் இந்த படத்தில் பிரபல கன்னட நடிகர் ரக்சித் ஷெட்டி இணைந்துள்ளார் என்ற தகவலும் தற்போது வெளிவந்துள்ளது. இவரும் இந்த படத்தின் வில்லன்களில் ஒருவராம். இதனை அடுத்து அர்ஜூன், சஞ்சய்தத், மன்சூர் அலிகான், கௌதம் மேனன், மிஷ்கின், மற்றும் ரக்சித் ஷெட்டி ஆகிய 6 வில்லன்கள் நடிப்பது உறுதி செய்யப்பட்டுள்ளது. இதனை அடுத்து இந்த படத்திற்கு மிகப்பெரிய எதிர்பார்ப்பு ஏற்பட்டுள்ளது என்பது குறிப்பிடப்பட்டது.
அது மட்டும் இன்றி எல்சியூ என்று சொல்லப்படும் லோகேஷ் யுனிவர்ஸ் சினிமா என்ற காட்சிகளும் இந்த படத்தில் இருக்கும் என்பதால் ’மாஸ்டர்’ ’விக்ரம்’ ’கைதி’ ஆகிய படங்களில் உள்ள கேரக்டர்களும் இந்த படத்தில் இணைய வாய்ப்பு இருப்பதாக கூறப்படுகிறது.
மொத்தத்தில் தமிழ் சினிமா இதுவரை கண்டிராத ஒரு வெற்றியை ’தளபதி 67’ படம் பெரும் என்றும் ’தளபதி 67’ திரைப்படம் லோகேஷ் கனகராஜ் மற்றும் விஜய் ஆகிய இருவருக்குமே ஒரு மைல்கல் படமாக இருக்கும் என்றும் கூறப்படுகிறது.