சினிமா செய்திகள்
எதிர்பாராத திருப்பம்.. இந்த வாரம் பிக்பாஸ் வீட்டில் இருந்து வெளியேறுபவர் இவரா?
பிக்பாஸ் நிகழ்ச்சி கடந்த 50 நாட்களை கடந்து விறுவிறுப்பாக நடைபெற்று வருகிறது என்பதும் இந்த சீசனின் பிரபலமானவர்கள் யாரும் இல்லை என்றாலும் போட்டியாளர்கள் ஒருவருக்கொருவர் போட்டி போட்டுக்கொண்டு வெற்றியை நோக்கி சென்று கொண்டிருக்கின்றனர் என்பது தெரிந்ததே.
இந்த நிலையில் ஒவ்வொரு வாரமும் ஒரு போட்டியாளர் எவிக்ட் செய்யப்பட்டு வரும் நிலையில் இந்த வாரம் வெளியேறும் நபர் யார் என்ற கேள்வி பார்வையாளர்கள் மத்தியில் இருந்தது.
இந்த நிலையில் சற்று முன் இந்த வாரம் பிக்பாஸ் நிகழ்ச்சியில் இருந்து வெளியேற்றப்பட்ட போட்டியாளர் குறித்த தகவல் வெளியாகி உள்ளன. பிக்பாஸ் நிகழ்ச்சியில் இந்த வாரம் தனலட்சுமி, கதிரவன், ஜனனி, மைனா ரக்சிதா, மற்றும் குயின்ஸி ஆகிய ஆறு போட்டியாளர்கள் நாமினேட் செய்யப்பட்டிருந்த நிலையில் அவர்களில் குறைந்த வாக்குகள் பெற்ற குயின்ஸி வெளியேற்றப்பட்டு விட்டார் என்று செய்திகள் வெளியாகி உள்ளன.
குயின்ஸி நன்றாக விளையாடிக் கொண்டிருந்த நிலையில் திடீரென வெளியிடப்பட்டிருப்பது பார்வையாளர்கள் மத்தியில் அதிர்ச்சியை ஏற்படுத்தி உள்ளது.
