சினிமா செய்திகள்
பேட்ட படத்தால் நன்சக்குக்கு அதிகரித்துள்ள மவுசு!
![petta nanchuk - Bhoomitoday](https://www.bhoomitoday.com/wp-content/uploads/2019/01/petta-nanchuk.jpg)
பேட்ட படத்தில் ரஜினி புரூஸ் லி ரசிகராகவும், புரூஸ் லி கராத்தே பள்ளியின் ஆசிரியரகாவும் பிளாஷ்பேக்கில் வருவார். மேலும், வயதான தோற்றத்தில் ஹாஸ்டல் வாடனாக இருக்கும் போது, கல்லூரிக்குள் அத்துமீறும், அடியாட்களுடன் நன்சக் கொண்டு அசத்தலாக சண்டையும் போடுவார்.
புருஸ் லியின் டிரேட்மார்க் ஆயுதமான நன்ச்சக் பயன்படுத்துதற்காக ரஜினி 50 நாள் நன்சக் பயிற்சி மேற்கொண்டதாகவும், பயிற்சியின் போது அடிபட்டு ரத்தம் கொட்டியதாகவும், சண்டை பயிற்சியாளர் பீட்டர் ஹெயின் சமீபத்திய பேட்டி ஒன்றில் தெரிவித்திருந்தார்.
இந்நிலையில், பேட்ட படத்திற்கு பிறகு, ரஜினி ரசிகர்கள் மற்றும் இளம் தலைமுறையினர், ஆன்லைனில் நன்சக்கை தேடிப் பிடித்து வாங்குவதாக ஆன்லைன் விற்பனையாளர்கள் புதிய தகவலை தெரிவித்துள்ளனர்.
சூப்பர்ஸ்டார் எதை செய்தாலும் அது ஸ்டைல் ஐகானாக மாறும் என்பதை சும்மாவா சொன்னார்கள்.