சினிமா செய்திகள்
எம்.ஜி.ஆரையும், ஜெயலலிதாவையும் கலாய்க்கும் எல்.கே.ஜி. பட போஸ்டர்.. ஸ்டிக்கர் பாய்ஸ் இன்னும் பொங்கல?
![lkg - Bhoomitoday](https://www.bhoomitoday.com/wp-content/uploads/2019/01/lkg.jpg)
சினிமாக்களில் தற்போது நெகட்டிவ் பப்ளிசிட்டி மோகம் அதிகரித்து வருகிறது. தன்னுடைய கவர்ச்சி படங்களை தானே வெளியிட்டு விட்டு, ஹேக் செய்து விட்டார்கள் என புலம்பும் நடிகைகளை போல, அரசியல் வசனங்கள் அல்லது கட்சி தலைவர்களை வம்புக்கு இழுத்தால், படம் நல்ல பிசினஸை செய்வதாக சினிமா துறையினர் நம்பத் தொடங்கி விட்டனர்.
ஆர்.ஜே. பாலாஜி முதன்முறையாக ஹீரோவாக நடிக்கும் எல்.கே.ஜி. படத்தின் போஸ்டர் இன்று வெளியாகியுள்ளது. படத்தின் பாடல்கள் வரும் குடியரசு தினமான ஜனவரி 26ம் தேதி வெளியாக உள்ளதாக போஸ்டர் ஒன்றை வெளியிட்டு படக்குழு அறிவித்துள்ளது.
அறிமுக இயக்குநர் பிரபு இயக்கத்தில் அரசியல் சட்டையர் படமாக உருவாகியுள்ள எல்.கே.ஜி. படத்தில் ஆர்.ஜே. பாலாஜிக்கு ஜோடியாக பிரியா ஆனந்த் நடித்துள்ளார். கையில் வேறு படம் இல்லை போலும்.
எம்.ஜி.ஆர், ஜெயலலிதாவுக்கு செங்கோல் கொடுக்கும் காட்சியை கலாய்க்கும் விதமாக உருவாகியுள்ள போஸ்டருக்கு அதிமுகவினர் எதிர்ப்பு தெரிவிப்பர். சர்கார் படம் பிசினஸ் செய்தது போல, நாமும் நாலு காசு பார்க்கலாம் என எண்ணும் இவர்களது எண்ணம் ஈடேறுமா? என்பதை பொறுத்திருந்து பார்ப்போம்.