சினிமா செய்திகள்
தளபதி 66: விஜய்க்கு அப்பாவா சரத்குமார்? மேலும் ஒரு டுவிஸ்ட்!
தளபதி விஜய் நடித்த ’பீஸ்ட்’ திரைப்படம் சமீபத்தில் வெளியாகி திரையரங்குகளில் நல்ல வரவேற்பு பெற்று வரும் நிலையில் கடந்த சில நாட்களுக்கு முன்னர் ’தளபதி 66’ படத்தின் படப்பிடிப்பு தொடங்கியது என்பதை பார்த்தோம் .
இந்த நிலையில் இந்த படத்தின் நாயகியாக ராஷ்மிக மந்தனா நடிக்க இருப்பதாகவும் மேலும் ஒரு முக்கிய கேரக்டரில் நடிகர் சரத்குமார் நடிக்க இருப்பதாகவும் அறிவிக்கப்பட்டிருந்த நிலையில் சரத்குமாரின் கேரக்டர் குறித்த தகவல் தற்போது செய்திகள் கசிந்துள்ளது.
சரத்குமார் விஜய்யின் தந்தையாக நடிக்கிறார் என்றும் அதுமட்டுமின்றி விஜய்க்கு மேலும் இரண்டு சகோதரர்கள் இருப்பது போன்று கதை அமைக்கப்பட்டுள்ளதாகவும் முழுக்க முழுக்க இது ஒரு ஃபேமிலி சென்டிமென்ட் கதை என்றும் இந்த படத்தில் விஜய்க்கு ஒரு ஆக்ஷன் காட்சி கூட கிடையாது என்றும் கூறப்படுகிறது.
மேலும் விஜய்யின் இரண்டு சகோதரர்களாக நடிக்க கடந்த 90 களில் பிரபலமாக இருந்த ஹீரோக்கள் இருவரிடமும் பேச்சுவார்த்தை நடத்தப்பட்டு வருவதாகவும் இதுகுறித்த அறிவிப்பு விரைவில் வெளியாகும் என்றும் கூறப்படுகிறது. விஜய்யின் சகோதரர்களின் ஒருவராக ஆக்சன் கிங் அர்ஜுன் நடிக்க அதிக வாய்ப்பு இருப்பதாக கூறப்படுவதால் இந்த படத்தில் மேலும் டுவிஸ்ட் மேல் டுவிஸ்ட் கிடைத்து வருகிறது என்பது குறிப்பிடத்தக்கது.
