சினிமா செய்திகள்
தமிழ்ப்புத்தாண்டில் தாமரை: ரஜினிகாந்த் ஏற்படுத்திய பரபரப்பு
தமிழ் புத்தாண்டு தினத்தில் தாமரையை ரஜினிகாந்த் ஏற்றுக்கொண்டதாக செய்திகள் வெளியாகியுள்ளது.
இன்று உலகெங்கும் உள்ள தமிழர்கள் தமிழ் புத்தாண்டை கொண்டாடி வரும் நிலையில் தமிழ் புத்தாண்டு வாழ்த்து கூற சென்னை போயஸ் கார்டனில் உள்ள ரஜினிகாந்த் வீட்டின் முன் அவரது ரசிகர்கள் குவிந்தனர் .
இதனை அறிந்த ரஜினிகாந்த், வீட்டின் உள்ளே இருந்து ரசிகர்களை கையசைத்தார். அவரை பார்த்ததும் ரசிகர்கள் சந்தோஷத்தில் தலைவா என கோஷமிட்டனர். மேலும் சில ரசிகர்கள் தாங்கள் கொண்டு வந்திருந்த சால்வையை அவருக்கு பரிசாகக் கொடுத்தனர். ஒரு சில ரசிகர்கள் தாமரையை அவரது கையில் கொடுத்தனர். அதை அவர் பெற்றுக்கொண்டார்.
தமிழ் புத்தாண்டு தினத்தில் தாமரையை அவர் பெற்றுக் கொண்டதன் புகைப்படங்கள் வீடியோக்கள் வைரல் ஆகி வருகின்றன. ரஜினிகாந்தை ஏற்கனவே பாஜக ஆதரவாளர் என்று கூறி வரும் நிலையில் அவர் தாமரையை ஏற்றுகொண்டதை அடுத்து பல்வேறு ஊகங்களுக்கு இடம் அளிக்கப்பட்டுள்ளது என்பது குறிப்பிடத்தக்கது.