சினிமா செய்திகள்
பிக்பாஸ் டைட்டில் வின்னர் பாலாஜிக்கு இத்தனை லட்சம் வருமானமா?
![balaji murugadoss - Bhoomitoday](https://www.bhoomitoday.com/wp-content/uploads/2022/04/balaji-murugadoss.webp)
பிக் பாஸ் டைட்டில் வின்னர் பட்டம் பெற்ற பாலாஜிக்கு 50 லட்சத்திற்கும் மேல் வருமானம் கிடைத்துள்ளதாக தகவல் வெளியாகியுள்ளது
பிக்பாஸ் அல்டிமேட் நிகழ்ச்சியின் இறுதி நிகழ்ச்சி கடந்த ஞாயிறு அன்று நடந்தது என்பதும் அதில் பாலாஜி முருகதாஸ் டைட்டில் பட்டம் வென்றார் என்பது தெரிந்ததே. இரண்டாவது இடத்தை நிரூப் மற்றும் மூன்றாவது இடத்தை ரம்யா பாண்டியன் நான்காவது இடத்தை தாமரை பிடித்தனர்.
இந்த நிலையில் பிக் பாஸ் டைட்டில் வின்னர் பட்டம் பெற்ற பாலாஜிக்கு 35 லட்ச ரூபாய் பரிசுப் பணம் கிடைத்ததும். பிக் பாஸ் டைட்டில் வின்னருக்கு 50 லட்ச ரூபாய் என அறிவிக்கப்பட்டிருந்த நிலையில் அதில் 15 லட்ச ரூபாயை ஸ்ருதி எடுத்துக்கொண்டு போய் விட்டதால் மீதமுள்ள 35 லட்ச ரூபாய் பாலாஜிக்கு வழங்கப்பட்டது .
அதுமட்டுமின்றி பாலாஜிக்கு ஒரு நாளைக்கு 25 ஆயிரம் சம்பளம் பேசப்பட்டதால் அவர் 70 நாட்கள் வீட்டில் இருந்ததற்கு 17 லட்சத்து 50 ஆயிரம் சம்பளமாக கிடைத்ததாகவும் இதனால் அவருக்கு மொத்தம் 52 லட்சத்து 50 ஆயிரம் ரூபாய் வருமானம் கிடைத்துள்ளதாகவும் தகவல்கள் வெளியாகியுள்ளன.
இரண்டாவது இடத்தைப் பிடித்த நிரூபுக்கு சம்பளமாக 17 லட்சத்து 50 ஆயிரம் ரூபாயும் மூன்றாவது இடத்தைப் பிடித்த ரம்யா பாண்டியனுக்கு ஒரு வாரத்துக்கு இரண்டு லட்சம் சம்பளம் வழங்கப்பட்டதாகவும் தாமரைக்கு வாரத்துக்கு 80 ஆயிரம் வீதம் எட்டு லட்ச ரூபாய் சம்பளம் வழங்கப்பட்டதாகவும் தகவல்கள் வெளியாகியுள்ளன.